फागुन २९, २०८०
एक वर्षको बीचमा भएको १३८ किलो सुन तस्करीका नाइके जीवनकुमार गुरुङ हाल अर्थ मन्त्रालय मातहत रहेको भन्सार विभागको हिरासतमा छन् । लामो समय फरार रहेका गुरुङलाई यही फागुन १४ गते काठमाडौंको सामाखुशी क्षेत्रबाट ...
काठमाडाैं | साउन १४, २०८०
भारतले बासमती (महंगो मूल्यको) बाहेकका चामल निर्यातमा प्रतिबन्ध लगाएपछि त्यसको असर नेपाली बजारमा पर्न थालेको छ ।
भारतले ४ साउनबाट चामल निर्यातमा रोक लगाउने घोषणा गरेलगत्तै नेपालमा बोरामै २ सयदेखि २५० रुपैयाँसम्मले भाउ बढेको हो ।
आन्तरिक बजारको मूल्यवृद्धि नियन्त्रण गर्न भन्दै भारतले गरेको निर्यात प्रतिबन्धको घोषणालगत्तै नेपालमा अस्वाभाविकरूपमा भाउ बढाइएको हो ।
सरकारी तथ्यांकअनुसार नेपालमा ३ महिनालाई पुग्ने चामल मौज्दात छ । तर, भारतले प्रतिबन्ध लगाएको खबर पाउनेबित्तिकै व्यापारीहरूले ‘स्टक’को चामलमै पनि मूल्य बढाइसकेका छन् ।
व्यापारीले बढी नाफा लिएर चामल बेच्न थालेका कारण आम उपभोक्ताको भान्छा महंगिसकेको छ ।
नेपालकै विभिन्न आन्तरिक कारणलाई बहाना बनाएर भाउ बढाउने नेपालका व्यापारीहरूलाई भारतले निर्यातमै प्रतिबन्ध लगाउनुले राम्रो बहाना मिलेजस्तो भएको खुद्रा व्यापार संघका पूर्व अध्यक्ष पवित्र बज्राचार्य बताउँछन् ।
उनले भने, ‘थोक व्यापारीले नै भाउ बढाएर पठाएकाले खुद्रा व्यापारीले बढाएर बेच्नुपरेको हो । खुद्रा व्यापारीले आफूसँग भएको चामल भाउ नबढाइ बेचे पनि थोक व्यापारीले भएकै मौज्दातमा समेत बढी मूल्य लिए ।’
उनका अनुसार अहिले पनि ठूला व्यापारीको गोदाममा ३/४ महिनालाई पुग्ने चामल मौज्दात छ, तर बजार भाउ बढिसकेको छ ।
सरकारले ठूला व्यापारीको मनोमानीलाई बेवास्ता गर्ने र ४/५ बोरा राखेर बेच्ने खुद्रा व्यापारीलाई मात्रै देख्ने गरेको गुनासो बज्राचार्यले गरे । भारतको चामल निर्यात प्रतिबन्ध लम्बिने हो भने थप भाउ बढाउन चलखेल हुन सक्ने उनको भनाइ छ ।
हल्लाको भरमा चल्ने नेपाली बजार र यसलाई नियन्त्रण गर्न नसक्ने सरकारी कमजोरीका कारण ‘स्टक’को सामान पनि भाउ बढाएर बेच्ने गरिएको उपभोक्ता अधिकार अनुसन्धान मञ्चका अध्यक्ष माधव तिमिल्सिनाले बताए ।
‘भारतले प्रतिबन्ध नलगाएको लङग्रेनमा समेत अस्वाभाविक भाउ बढेको छ, तर सरकार मुकदर्शक बनेर बसेको छ,’ तिमिल्सिनाले लोकान्तरसँग भने ।
सरकारलाई व्यवसायीले चामलमा मूल्य बढाउन सक्छन् भनेर यसअघि नै सचेत गराउँदा पनि बेवास्ता गरिएको उनले गुनासो गरे ।
सरकारी निकायसँगकै मिलेमतोमा भाउ बढाउने खेल हुने गरेको उनको आशंका छ ।
सरकारी रबैयाकै कारण भोलि नेपालीले भातै खान नपाउने र भयावह अवस्था आउन सक्ने चिन्ता समेत तिमल्सिनाले व्यक्त गरे ।
बजारमा दैनिक एक हजार बोरा चामल बिक्री गरिरहेको आरजु राइसका महाप्रबन्धक विवेकानन्द झा नेपालीको माग जिरा मसिनो चामलमा बढी रहेको र सोही वस्तु प्रतिबन्धमा परेको बताउँछन् ।
उनले भने, ‘नेपालमा उत्पादन नै नहुने चामलमा लागेको प्रतिबन्ध र यसैको माग उपभोक्तामा बढी भएकाले ठूलो असर पर्न सक्छ ।’
वाणिज्य, आपूर्ति तथा उपभोक्ता संरक्षण विभागका महानिर्देशक गजेन्द्रकुमार ठाकुर चामल निर्यातमा भारतले लगाएको प्रतिबन्धको विषयमा गम्भीररूपमा छलफल भएको बताउँछन् ।
उनले भने, ‘चामलमा लागेको प्रतिबन्धपछि उद्योगी व्यवसायीसँगको छलफलमा उनीहरूले ३ महिनालाई पुग्ने चामल मौज्दात छ भनेका छन् । कात्तिकको अन्तिमदेखि बजारमा नयाँ चामल आउने हुँदा भोकमरीको समस्या नहुने र भाउ पनि नबढ्ने हाम्रो बुझाइ छ ।’
ठाकुरले थपे, ‘चामल निर्यातमा मात्रै प्रतिबन्ध लागेको हो, धान ल्याउन पाइन्छ । चामलको ठाउँमा आवश्यकताअनुसार धान आयात हुन सक्यो भने नेपाली उद्योग फस्टाउने र नेपाली नागरिक पनि भोकमरीमा नपर्ने हुन सक्छ ।’
मूल्यवृद्धिका विषयमा गुनासो आए तुरुन्तै अनुगमन गरेर कारवाही गरिने उनले बताए । ‘बजारमा हुने मूल्यवृद्धिको विषयमा विभागले तुरुन्तै अनुगमन गरेर कारवाही गर्न सक्छ । यसका लागि विभागमा गुनासो आउनुपर्ने हुन्छ,’ उनले भने ।
खुद्रा बजारमा केही मूल्य बढेको भनिए पनि कुनै उजुरी वा गुनासो नआएको ठाकुरले बताए ।
तथ्यांकअनुसार भने गत आर्थिक वर्ष २०७९/८० मा साढे ३६ अर्बको धान/चामल आयात भएको छ । नेपालमा आयात भएको यस्तो धान/चामल सबैजसो भारतबाटै आउने गरेको छ ।
भारतबाट नेपाल भित्रिएको धान/चामल गत वर्ष साढे ४७ अर्ब रुपैयाँको थियो । भारतले गत वर्ष धान १६ अर्ब रुपैयाँको पठाएको छ भने बाँकी विभिन्न प्रकारका चामल रहेको छ ।
पछिल्लो समय नेपालमा धान उत्पादन बढेकाले चामल आयात घट्दै गएको सरकारी निकायको भनाइ छ । कृषि मन्त्रालयका अनुसार नेपालमा पछिल्लो समय धान उत्पादन बढेकाले पनि चामलको आयात कम भएको छ ।
धान–चामल आयातको तथ्यांक :
एक वर्षको बीचमा भएको १३८ किलो सुन तस्करीका नाइके जीवनकुमार गुरुङ हाल अर्थ मन्त्रालय मातहत रहेको भन्सार विभागको हिरासतमा छन् । लामो समय फरार रहेका गुरुङलाई यही फागुन १४ गते काठमाडौंको सामाखुशी क्षेत्रबाट ...
राष्ट्रिय स्वतन्त्र पार्टीका सभापति रवि लामिछाने र सोही पार्टीका नेता समेत रहेका पूर्व बैंकर अनिल केशरी शाहले 'चेक क्लियरिङ'का सम्बन्धमा गरेको दाबीमा गम्भीर प्रश्न उठेको छ । सहकारी ठगी प्रकरणमा प्रस्टीकर...
अर्थमन्त्री वर्षमान पुन 'अनन्त' समेत मुछिएको १३८ किलो सुन तस्करीको फाइल पर्याप्त अनुसन्धानविनै सरकारी वकिलको कार्यालयमा पुगेको छ । अर्थमन्त्रीका रूपमा पुन आएलगत्तै भन्सार विभागले पर्याप्त अनुसन्धानविनै फा...
काठमाडौंको चण्डोल घर भएका कामोद ढुंगाना २०८० असार ३१ गते वुलिङ एयरको विद्युतीय गाडी (ईभी) किन्न नयाँ बानेश्वरस्थित बज्र ग्रुपको इभी-नेपाल मोटर्स प्रालि पुगेका थिए । अंकित मूल्य (एमआरपी) ३० लाख ९९ हजार रुप...
बैंकमा निक्षेप थुप्रिएको भए पनि कर्जा विस्तार हुन नसकेको अवस्थालाई सम्बोधन गर्ने गरी राष्ट्र बैंकले मौद्रिक नीतिको तेस्रो त्रैमासिक समीक्षा गरेको छ । शुक्रबार तेस्रो समीक्षा सार्वजनिक गर्दै राष्ट्र बैंकले ब्याजदर कर...
यामाहाको एमटी १५ को करसहितको वास्तविक मूल्य करिब ३ लाख ६८ हजार मात्र हो, तर यसलाई यामाहाको आधिकारिक बिक्रेता एमएडब्ल्यू इन्टरप्राइजेजले ५ लाख २५ हजारमा बेचिरहेको छ । यसको शो-रूम मूल्य वास्तविक मूल्यभन्दा डे...
राणा शासनकालको प्रशासनिक व्यवस्थामा 'माथि' भन्नाले प्रधानमन्त्रीलाई बुझाउँदथ्यो । राजाको शासनकालमा दरबार वा राजालाई माथि भनिन्थ्यो । कर्मचारीले इमान्दारिता छाडेमा वा अनैतिक काम गरेमा कुरा माथि पुग्दथ्यो ...
जेठ ६ गते नेपाल–चीनमैत्री मञ्चद्वारा आयोजित एक कार्यक्रममा नेपालका लागि चिनियाँ राजदूत छन सोङले नेपाल एक चीन नीतिमा प्रतिबद्ध रहेको बताउनुका साथै नेपालले कुनै पनि तत्त्वलाई चीनविरुद्धको गतिविधिमा लाग्न ...
नेपालमा भएका जनयुद्ध, जनआन्दोलन, मधेश आन्दोलन लगायतका आन्दोलनहरूको मूल आशय एकल जातीय एकात्मक राज्य संरचनालाई पुनर्संरचना गरी बहुलतामा आधारित समावेशी राज्य निर्माण गर्ने रहेको थियो । अर्थात्, जातीय उत्पीडन र आन्त...