पुस २२, २०८०
हास्य कलाकार जोडी सीताराम कट्टेल ‘धुर्मुस’ र कुञ्जना घिमिरे ‘सुन्तली’ स्टेज शोमा फर्किएसँगै मेला–महोत्सवमा खोजिन थालेका छन् । अघिल्लो शनिवार कास्कीको लेखनाथ महोत्सवमा प्रस्तुति द...
‘मलाई विराटनगर पुगेपछि मात्रै दशैं आएको फील हुन्छ,’ दशैंका विषयमा कुरा गर्न बस्दै गर्दा अभिनेत्री एवं निर्देशक दीपाश्री निरौलाले भनिन् ।
विराटनगर उनी जन्मिएको ठाउँ । हुर्किएको ठाउँ । साथीसंगीसँग हाँसखेल गर्दै रमाएको ठाउँ । परिवार, आफन्तसँग जमघट हुने ठाउँ । अनि त्यही जमघटको माहोल मिलाउने दशैं आउँदा दीपाश्रीको मन उमंगले भरिएको छ ।
यद्यपि, उनी विराटनगर नपुग्दासम्म दशैं आएको खास महसुस गर्न नसक्ने बताउँछिन् ।
यस वर्ष उनको दशैं विराटनगरमै बित्दैछ । विराटनगरमै पुगेर दशैंका लागि घरमा चाहिने सामान किन्ने र परिवार, आफन्त, साथीसंगीसँग भेटघाट गर्नेछिन् । बाहिरी कामहरू नसोचेर रमाइलो गरी दशैं मनाउने उनले बताइन् ।
‘बुवाको हातको टीका लगाउँछु । आफन्त–मामाघरलगायत सबै ठाउँमा जान्छु,’ उनले भनिन् ‘टीका लगाएपछि ऊर्जा लिएर काठमाडौं आएर फेरि कर्म गर्नतर्फ लाग्छु ।’
बाल्यकालमा दशैं मनाउँदा र अहिले...
दीपाश्रीलाई लाग्छ, दशैैंको महत्त्व उमेरअनुसार फरक–फरक हुँदोरहेछ । बच्चाबेलामा पैसा ठूलो कुरा हुन्थ्यो । लुगा ठूलो कुरा हुन्थ्यो । त्यसबेला साथीसंगीसँग विराटनगरको गुदुरी बजारमा शपिङ गरेको अझै याद आउने गरेको दीपाश्री सुनाउँछिन् ।
‘त्यतिबेला हामीलाई आशीर्वादको मतलब थिएन, खाली पैसा झर्नुपर्यो । कसको पैसा कति हुन्छ ? कसले कस्तो लुगा किन्या छ ? कसको जुत्ता कस्तो छ ? त्यसमै ध्यान जान्थ्यो । त्यो बेलाको मज्जा अर्कै थियो,’ उनले भनिन् । अहिले दशैं आउँदा जिम्मेवारी महसुस हुने दीपाश्री बताउँछिन् । ‘यो परिवारसँग भेट हुने, आफन्तहरू आउनुहुन्छ भनेर खुशी हुने चाड हो । आशीर्वादको चाड हो ।’
त्यो बेलाको मज्जा अब कहाँ हुनु !
दशैंको सम्झना गर्दा दीपाश्रीको स्मृतिमा बाल्यकाल झल्झली आउँछ । त्यतिबेला अहिलेजस्तो गाडीको सुविधा थिएन । गाडीमा कोचाकोच भएर असिनपसिन हुँदै मामाघर पुग्थिन् । मामाघर पुगेपछि बुवाआमाबाट टीका लगाउन शुरू हुन्थ्यो ।
‘हामी फुच्चा–फुच्चीको पालो अलि पछि आउँथ्यो । त्यो बेला हाम्रो ध्यान अक्षता, जमरामा नभएर पैसामै हुन्थ्यो । मामाले कति पैसा दिने हुन् ? भन्ने खुलदुली हुन्थ्यो,’ उनले बाल्यकालको दशैं सम्झिइन् । उनलाई अहिले पनि याद छ, एकपटक मामाले टीका लगाएर ५ रुपैयाँ दक्षिणा दिएका थिए । त्यसबेला निधारको टीका पुछेर मामालाई नै त्यो दक्षिणा फालिदिइन् ।
उनले भनिन्, ‘त्यो बालापनको दशैं अहिले सम्झँदा त्यसो गर्न हुँदैनथ्यो भन्ने लाग्छ ।’
अहिले पनि मामाले बाल्यकालको त्यही क्षणलाई लिएर भाञ्जी (दीपाश्री)लाई जिस्क्याउने गरेका रहेछन् ।
‘भाञ्जी पहिलेझैँ अक्षता फाल्ने त हैन नि भनेर जिस्काउनुहुन्छ,’ दीपाश्रीले भनिन्, ‘मामा त्यसबेला त बच्चा थिएँ नि भन्छु । तर, मेरो भाञ्जीको त्यही बच्चापन मलाई मनपर्छ भन्नुहुन्छ ।’
जे होस्, बच्चा बेलामा पिङ खेलेको, गाडीमा खचाखच भएर मामाघर गएको सम्झँदा अहिले पनि दीपाश्रीलाई छुट्टै रमाइलो फील हुँदो रहेछ ।
विराटनगरलाई एकदमै मिस गरेको एउटा दशैं
दशैं यसै पनि रमाइलो चाड हो । अधिकांशलाई आफू जन्मेको, हुर्किएको ठाउँकै दशैं प्यारो लाग्छ । सोहीकारण दीपाश्रीले हरेक दशैं विराटनगरमै पुगेर मनाउने गरेकी छिन् ।
यद्यपि, करिअरमा संघर्ष गर्दैगर्दा उनी एउटा साल विराटनगर गएकी थिइनन् । दशैंमा घर नगएर काठमाडौंमै बसेकी थिइन् ।
‘त्यो धेरै वर्ष पहिलेको कुरा हो । त्यो साल सम्झँदा मलाई जहिले पनि पछुतो हुन्छ’ उनले भनिन्, ‘त्यतिखेर विराटनगरलाई एकदमै मिस गरेकी थिएँ । अब, मिस गर्न चाहन्नँ ।’
‘यस वर्ष हाम्रो चलचित्र नआए पनि चलचित्र हल सञ्चालनमा आयो’
दीपाश्रीका यस अगाडिका चलचित्रहरू दशैंको माहोलमा प्रदर्शनमा आउँथे । चलचित्र प्रदर्शन भइरहेको माहोलमा पनि दीपाश्री दशैं मनाउन भने विराटनगर नै पुगेकी हुन्थिन् ।
घरमा टीका लगाएर आसपासका हलमा पुगेर दर्शकसँग खुसी साट्थिन् ।
यस वर्ष दशैंमा दीपाश्रीको टीमले बनाएको चलचित्र प्रदर्शनमा आएन । यद्यपि, दीपाश्रीको टीमले दशैंको छेको पारेर बानेश्वरमा चलचित्र हल सञ्चालनमा ल्यायो । ‘यसपालि आफ्नो चलचित्र छैन, तर चलचित्र हल छ । यद्यपि, सबैको चलचित्र आफ्नै चलचित्र त हो ।’
‘सामान्य खर्चमै दशैं मनाउन सक्छु’
दीपाश्री दशैंका लागि भनेर धेरै बजेट छुट्याउँदिनन् । उनी कति शपिङ गर्ने भन्ने आफ्नो हातको कुरा रहेको बताउँछिन् ।
‘म धेरै हाइफाइ तरिकाले खर्च गर्दिनँ । सामान्य खर्चमा पनि दशैं सकाउन सक्छु,’ उनले भनिन् ‘अरूलाई पनि गच्छेअनुसार खर्च गर्न आग्रह गर्छु ।’
दशैं मनाएर पूर्णिमापछि मात्रै काठमाडौं फर्किने उनले बताइन् ।
हास्य कलाकार जोडी सीताराम कट्टेल ‘धुर्मुस’ र कुञ्जना घिमिरे ‘सुन्तली’ स्टेज शोमा फर्किएसँगै मेला–महोत्सवमा खोजिन थालेका छन् । अघिल्लो शनिवार कास्कीको लेखनाथ महोत्सवमा प्रस्तुति द...
ढुंगामाटोले बनेको घरको आँगनमा घरतर्फै फर्किएर केही मानिसहरू लाइन लागेका छन् । बार्दलीमा झुन्ड्याइएको ब्यानरमा लेखिएको छ, सक्किगोनि । ब्यानरको छेउमा उभिएका छन्, अर्जुन घिमिरे (पाँडे) । यो चर्चित ह...
‘चिसो हावाले’ बोलको गीत युट्युबमा सार्वजनिक गरिएको छ । आइतवार बेलुका अकलादेवी म्युजिकको अफिसियल युट्युब च्यानलबाट सार्वजनिक गीतमा सुरज अगस्ती, लक्ष्मी खड्का र ध्रुव रेग्मीको स्वर छ । ...
नारायण रायमाझी निर्देशित चलचित्र ‘परदेशी २’को प्रदर्शन नेपालमा अझै जारी छ । चलचित्रले शनिवार प्रदर्शनको ५१ दिन पूरा गर्दैछ । प्रकाश सपूत, केकी अधिकारी र वर्षा शिवाकोटी स्टारर यो चलचित्र...
मोडल एवं अभिनेत्री दीपाशा बीसी ‘जलपरी’को मृत्यु भएको छ । स्वास्थ्यमा समस्या आएपछि बुधवार राति थापाथलीस्थित नर्भिक अस्पताल भर्ना भएकी २८ वर्षीया उनको बिहीवार दिउँसो मृत्यु भएको हो । अस्पतालले उनलाई म...
गायक हेमन्त शर्मा आइतबार पाल्पाली दर्शकमाझ प्रस्तुत हुँदैछन् । माथागढी गाउँपालिकाको सराइमा जारी महोत्सवमा पुगेर उनले प्रस्तुति दिन लागेका हुन् । उनीसँगै अहिलेकी चर्चित गायिका समीक्षा अधिकारी पनि महोत्सवमा आकर्...
सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...