काठमाडौँ महानगरपालिकाका मेयर बालेन शाहले नगरपालिका फोरमको बैठक बहिष्कारबारे आफ्नो धारणा राखेका छन् ।  १७ वटा नगरपालिकाले कुनै निजी कम्पनीबाट पैसा खाएर बैठक राखेकाले आफूले बहिष्कार गरेको उनको दाबी छ । 

यति गम्भीर आरोप लगाउँदा उनले कुन निजी कम्पनीको पैसा खाइएको हो भन्नेबारे चाहिँ खुलाएका छैनन् । ‘१७ वटा नगरपालिकाले कुनै प्राइभेट कम्पनीबाट पैसा खाएर बसाएको बैठक बहिस्कार गरेको हो, कसैको अपमान गरेको होइन’, उनको भनाइ छ । 

काठमाडौं महानगर बिक्रीमा नभएको उल्लेख गर्दै उनले सामाजिक सञ्जालमा भनेका छन्, ‘नेताज्युहरुले त देशनै बेच्न खोजिसक्नु भो, तर काठमाडौं महानगर बिक्रीमा छैन । तपाईंहरुले पुरै देशनै बेच्नुभो भनेपनि , काठमाडौं एक्लै भएपनि नेपाल भनेर उभिनेछ ।’

फोरमको बैठक ललितपुर महानगरपालिकामा बसेपनि शाह बीचमै बहिष्कार गरेर हिँडेका थिए ।