इजरायलमा  गत अक्टोबर ७ को आक्रमणमा पक्राउ परेका केही बन्धकहरूलाई इजिप्ट हुँदै इजरायल फर्कनका लागि रेडक्रसलाई सुम्पिइएको छ ।
"आधा घण्टा अघि, केही  बन्दीहरूलाई रेडक्रसलाई सुम्पिएको छ"  स्रोतले उल्लेख गरेको छ । 

सैन्य शाखाको एक स्रोतले सो हस्तान्तरणको पुष्टि गर्‍दै भनेको छ- यो सम्झौता अन्तर्गत पहिलो समूह हो।"
गाजा पट्टीमा इजरायली र हमासबीचको युद्धविराम बिहानदेखि लागू भएपछि शुक्रबार १३ जना महिला र बालबालिका बन्धकहरूको पहिलो चरण इजरायल फर्किने अपेक्षा गरिएको थियो।

इजरायलले इजरायली जेलबाट त्यसको तीन गुणा बढी प्यालेस्टिनी कैदीहरू - महिला र किशोर किशोरीहरूलाई रिहा गर्ने तयारी गरेको छ।

हमासले गत अक्टोबर ७ मा करिब २ सय ४० इजरायली र विदेशी बन्धकहरूलाई कब्जामा लिएको थियो।