मंसिर १४, २०८०
नारायण रायमाझी निर्देशित चलचित्र ‘परदेशी २’को प्रदर्शन नेपालमा अझै जारी छ । चलचित्रले शनिवार प्रदर्शनको ५१ दिन पूरा गर्दैछ । प्रकाश सपूत, केकी अधिकारी र वर्षा शिवाकोटी स्टारर यो चलचित्र...
काठमाडाैं | पुस १४, २०८०
टिकटकबाट चर्चामा आएका पवित्रा साकी (मिस पबी) र सिम्रन पन्तले ‘राजमहल’मार्फत् फिल्ममा डेब्यु गर्दैछन् । केही दिनअघि मात्र निर्माण घोषणा भएको फिल्ममा उनीहरूले रमेश उप्रेती, आँचल शर्मा, सलोन बस्नेतजस्ता चर्चित कलाकारसँग काम गर्ने अवसर पाउने भएका छन् ।
डडेल्धुराकी ‘मिस पबी’ डोटेली भाषामा बोलेर टिकटकबाट चर्चामा आएकी थिइन् । टिकटकबाट पाएको लोकप्रियताकै कारण उनले म्युजिक भिडियोमा मोडलिङको अवसर पाइन् । थुप्रै म्युजिक भिडियोमा अभिनय गरिसकेकी उनले अहिले फिल्ममा अभिनयको अवसर पाएकी हुन् ।
यस्तै, सिम्रनले पनि टिकटकको माध्यममार्फत् म्युजिक भिडियोमा मोडलिङको अवसर पाएकी थिइन् । ‘टिकटकमा देखेका आधारमा म्युजिक भिडियोका लागि अफर गर्नुभएको थियो । केही भिडियोमा अभिनय गरेपछि अहिले फिल्ममा अवसर पाएँ,’ उनले भनिन् । उनी विगत ८ महिनादेखि मुम्बईमा रहेर अभिनय र नृत्यको प्रशिक्षण लिइरहेकी थिइन् । फिल्मको अफर आएपछि उनी काठमाडौं आएकी हुन् ।
मिस पबि र सिम्रन मात्र होइन, यसअघि पनि टिकटकबाट उदाएकाहरूले फिल्ममा अभिनय गरिसकेका छन् । नेपालमा विगत डेढ महिनादेखि टिकटक प्रतिबन्ध छ । ‘सामाजिक सद्भाव र वातावरणमा खलल पुर्याउन भूमिका खेलेको’ भन्दै सरकारले गत कात्र्तिकबाट टिकटकमाथि प्रतिबन्ध लगाएको थियो । धेरैले मनोरञ्जनको माध्यम मान्दै आएको टिकटकमा पछिल्लो समय धेरै विकृति भित्रिएको गुनासो बढेको थियो । यद्यपि, प्रतिभा भएकाहरूलाई भने टिकटक फगत मनोरञ्जनको माध्यम मात्र नभएर अभिनय करिअर शुरू गर्ने बलियो प्लेटफर्म समेत बनिदिएको थियो । जसमध्ये केहीले फिल्मसम्म यात्रा तय गरिसकेका छन् ।
टिकटकबाट म्युजिक भिडियोमा उदाएर फिल्मसम्मको यात्रा तय गर्नेमा सबैभन्दा चर्चामा देखिएकी छन् गरिमा शर्मा ।
म्युजिक भिडियोमा डिमाण्डेड उनले मोडलिङ गरेका थुप्रै गीतहरू निकै रुचाइएका छन् । उनले दुईवटा फिल्ममा काम गरिसकेकी छन् ।
उनको शीर्ष भूमिका रहेको फिल्म ‘लन्डन टु पेरिस’को छायांकन सकिएको धेरै भइसकेको छ । यद्यपि, प्रदर्शन मिति भने तय भइसकेको छैन । उनले यतिबेला फेरि अर्को फिल्ममा काम गरेकी हुन् । नीता ढुंगाना र हरिहर अधिकारीको फिल्म ‘ह्रस्वदीर्घ’मा उनले काम गरेकी छन् । यस्तै फिल्म ‘दौतरी’मा पनि काम गर्ने उनको तयारी छ ।
त्यस्तै, मोडल रेश्मा घिमिरे पनि टिकटकबाट चर्चामा आएकी हुन् । केही वर्ष पहिले ‘यो साइनो मायाको’ फिल्ममा अभिनय गरे पनि नोटिस हुन नसकेकी उनी पछि टिकटकबाट चर्चामा आएर म्युजिक भिडियोमा छाउन पुगिन् । उनले मोडलिङ गरेका थुप्रै म्युजिक भिडियो निकै रुचाइए । पछिल्लो समय भने उनी म्युजिक भिडियोमा पहिलेजस्तै व्यस्त देखिएकी छैनन् । उनको अभिनय रहेको फिल्म ‘अन्तिम संस्कार’ गत असारमा प्रदर्शनमा आएको थियो ।
‘टिकटकर’ भन्नेवित्तिकै सबैभन्दा चर्चित मानिन्छन् ‘ट्विनी गर्ल्स’ नामबाट परिचित जुम्ल्याहा दिदीबहिनी, प्रिज्मा–प्रिन्सी खतिवडा ।
छोटो समयमै टिकटकमा लाखौं फ्लोअर्स र लाइक पाउने प्रयोगकर्ता बनेका उनीहरू लोकप्रियताकै खातिर म्युजिक भिडियोमा उदाए र निरन्तर सक्रिय रहे । उनीहरूले मोडलिङ गरेका एकपछि अर्को म्युजिक भिडियो चल्दै गए । यी दुईले फिल्ममा अभिनेत्रीका रूपमा काम गरिसकेका छैनन् । यद्यपि, फिल्मको गीतमा भने नृत्य गर्ने अवसर पाइसकेका छन् । केही वर्ष अगाडि प्रदर्शनमा आएको ‘लभ डायरिज’ फिल्मको गीत ‘छम छम’मा उनीहरूले नृत्य गरेका थिए ।
टिकटकबाटै उदाएर अहिले म्युजिक भिडियोमा छाइरहेकी मोडल गीता ढुंगानाले पनि फिल्ममा अभिनेत्रीका रूपमा अभिनय नगरे पनि फिल्मको गीतमा भने नृत्य गरिसकेकी छिन् ।
टिकटकमा एक हिसाबको चर्चा कमाएपछि ‘ओए काजल’ बोलको गीतबाट उनी म्युजिक भिडियोमा उदाएकी थिइन् । त्यसयता दर्जनौं म्युजिक भिडियोमा अभिनय गरिसकेकी उनले गत मंसिरमा प्रदर्शनमा आएको फिल्म ‘दुई कदम’को ‘काग भन्दा कोइली चलाख’बोलको गीतमा नृत्य गरेकी हुन् ।
टिकटकबाट उदाएर फिल्मसम्मको यात्रा तय गर्नेहरू कम भए पनि म्युजिक भिडियोसम्म आउनेहरू भने थुप्रै छन् ।
नारायण रायमाझी निर्देशित चलचित्र ‘परदेशी २’को प्रदर्शन नेपालमा अझै जारी छ । चलचित्रले शनिवार प्रदर्शनको ५१ दिन पूरा गर्दैछ । प्रकाश सपूत, केकी अधिकारी र वर्षा शिवाकोटी स्टारर यो चलचित्र...
‘लुट’ र ‘टलकजंग भर्सेस टुल्के’जस्ता प्रशंसित चलचित्रका निर्देशक निश्चल बस्नेतको चलचित्र ‘दिमाग खराब’ दोस्रो सातामा प्रदर्शन भइरहेको छ । २०७३ मा ‘लुट– २’...
‘चिसो हावाले’ बोलको गीत युट्युबमा सार्वजनिक गरिएको छ । आइतवार बेलुका अकलादेवी म्युजिकको अफिसियल युट्युब च्यानलबाट सार्वजनिक गीतमा सुरज अगस्ती, लक्ष्मी खड्का र ध्रुव रेग्मीको स्वर छ । ...
कलाकार शिशिर भण्डारीले आफ्नो हिट गीत ‘फोटो फिरिममा’ शीर्षकमा टेलिसिरियल ल्याउने भएका छन् । निर्माणको तयारी सुरु भइसकेको टेलिसिरियलमा उनकै कथा, पटकथा एवं संवाद लेखन रहनेछ । उ...
अस्ट्रेलियाको एक साङ्गीतिक कार्यक्रममा गायक सुगम पोखरेलले दर्शकलाई माइकले हानेका छन् । आइतवार बिहानैदेखि सामाजिक सञ्जालमा उक्त भिडियो भाइरल भइरहेका छन् । शुक्रवार राती नेपालमा गएको भूकम्पमा ज्यान गु...
गायक हेमन्त शर्मा आइतबार पाल्पाली दर्शकमाझ प्रस्तुत हुँदैछन् । माथागढी गाउँपालिकाको सराइमा जारी महोत्सवमा पुगेर उनले प्रस्तुति दिन लागेका हुन् । उनीसँगै अहिलेकी चर्चित गायिका समीक्षा अधिकारी पनि महोत्सवमा आकर्...
सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...