राष्ट्रिय स्वतन्त्र पार्टी (रास्वपा) का सभापति रवि लामिछानेले प्रभावकारी कार्यसम्पादन गर्न नसकेको प्रदेश सभाको अवधारणाबारे सोच्ने बेला आइसकेको बताएका छन् ।

काठमाडौं ८ का प्रतिनिधिसभा सदस्य रास्वपाका विराजभक्त श्रेष्ठको एक वर्षे कार्यकालको प्रतिवेदन सार्वजनिक कार्यक्रममा रविले प्रदेशबारे निर्णय लिन अब ढिलाइ गर्न नहुने बताएका हुन् । 

‘प्रदेशका विषयमा कुरा आउँदा योग्य होनाहार होइन मन्त्रालय भाग लगाउनेतिर हुन्छ । प्रदेश सभा नेपाललाई चुस्ने, दलका भाग लिन नपाएकालाई भाग लगाउने काम कसले बनायो भन्नेमा हाम्रो प्रश्न हो’, रविले भने, ‘प्रदेशको अवधारणामा गलत होइन । तर कानून नबन्ने, डुब्लिकेसन हुने हो भने यही अवस्थामा रहिरने हो भने व्यवस्थाको लागि यो सबैभन्दा चुनौती हुनेछ भनेर हामीले खुलेर कुराकानी गरेका हौं । यसैले यसमा रिभ्यु गर्नैपर्छ ।’ ​

पुराना दलमा चुनावमा कुखुरा खुइल्याउने र माइक मिलाउनलाई भाग दिनुपर्ने अवस्था रहेको उनले बताए ।