किन टिकाटिप्पणी भइरहेको छ केकी अधिकारीको ?

कवितासम्बन्धी रियालिटी शो ‘द पोएट आइडल’को निर्णायकमा अभिनेत्री केकी अधिकारी अनुबन्धित भएको खबर बाहिरीएपछि विभिन्न टीकाटिप्पणी भइरहेका छन् । 

यो शोको दोस्रो सिजनमा पहिलो सिजनकी निर्णायक सुरक्षा पन्तको ठाउँमा अभिनेत्री अधिकारी अनुबन्धित भएकी हुन । उनी अनुबन्धित भएपछि सामाजिक सञ्जालमा पक्ष र विपक्षमा प्रतिक्रिया आइरहेका छन् । ​

कतिपयले कविताको कार्यक्रममा अभिनेत्रीलाई निर्णायक बनाउनु उचित नभएको भन्दै आलोचना गरेका छन् । कतिपयले अभिनेत्री अधिकारीको समर्थनमा आफ्नो धारणा राखेका छन् । 

साहित्यदेखि चलचित्र र गीतसंगीत क्षेत्रका थुप्रैले यो विषयमा आफ्नो धारणा पेस गरिरहेका छन् ।

अमन प्रताप अधिकारीको निर्देशन रहने यो शोमा अन्य निर्णायकमा उपेन्द्र सुब्बा, अनुप बराल र विप्लव प्रतीक छन् ।

माघ २२ गतेबाट शो प्रसारणमा ल्याउने तयारी छ ।