काठमाडौंका नाम चलेका तारे होटलले म्याद गुज्रेका समान बेच्ने गरेको पाइएको छ ।

वाणिज्य, आपूर्ति तथा उपभोक्ता संरक्षण विभागले गरेको अनुगमनमा काठमाडौंका द्वारिकाज, बसेरा र हिमालयन होटल (लाजिम्पाट)मा म्याद गुज्रेका सामान फेला परेको हो ।

किचन र स्टोरमा म्याद गुज्रिएका सामान फेला परेको विभागका सूचना अधिकारी आनन्द पोखरेलले लोकान्तरलाई जानकारी दिए ।

बत्तिसपुतलीस्थित द्वारिकाज होटलमा बुधबार अनुगमन गरिएको थियो । त्यहाँ पीठो, कोकोनट क्रिमलगायतका सामान म्याद गुज्रिएको पाइएको थियो । 

लाजिम्पाटको हिमालय होटलमा दूध, दही, पाउरोटी, पीठो लगायत बासी थिए ।

सिंहदरबारको गेटैमा रहेको बसेरा होटलमा जुस र पाउरोटीसहितका सामान म्याद गुज्रेको भेटिएको छ । 

सूचना अधिकारी पोखरेलका अनुसार तीनै होटललाई ३/३ लाख जरिवाना गरिएको छ । बत्तिसपुतलीको द्वारिकाज होटलमा विदेशी भीआईपी बस्ने गरेका थिए । 

सिंहदरबारको दक्षिण ढोकामा रहेको बसेरा होटलबाट सिंहदरबारभित्रका मन्त्रालयमा खाजा जाने गरेको छ ।