पाकिस्तान सुपर लिगका खेलहरू डिशहोमको एक्शन स्पोर्ट्स एचडीबाट प्रत्यक्ष प्रसारण हुने भएका छन् ।

१७ फेब्रुअरीबाट हुने लिगका खेलहरू एक्शन स्पोर्ट्स एचडीबाट प्रत्यक्ष प्रसारण हुने डिशहोमले जनाएको छ । नेपालीहरूको क्रिकेटप्रतिको माया र साथलाई मध्यनजर गर्दै उक्त लिगका खेलहरू प्रत्यक्ष प्रसारणको व्यवस्था गरिएको डिशहोमले जारी गरेको विज्ञप्तिमा उल्लेख छ ।

‘१७ फेब्रुअरीदेखि मार्च १८ सम्म नेपालभरका दर्शकहरूले पाकिस्तान सुपर लिगका सबै लाइभ–एक्शनहरू हेर्ने रोमाञ्चक अवसर पाउनेछन् । रोमाञ्चक क्याचदेखि सनसनीपूर्ण रन चेजसम्म, पीएसएलले उत्कृष्ट रुपमा क्रिकेटको उत्साह प्रदान गर्ने बाचा गर्दछ’, जारी विज्ञप्तिमा भनिएको छ ।

एक्शन स्पोर्ट्स एचडीमा यो विशेष प्रसारणको साथ, क्रिकेट प्रेमीहरूले वर्षको सबैभन्दा प्रत्याशित क्रिकेट घटनाहरू मध्ये एकको विद्युतीय वातावरणमा आफू रम्न सक्नेछन् ।