दशकौं पुरानो चिनियाँ प्रधानमन्त्रीको वार्षिक पत्रकार सम्मेलन कार्यक्रम रद्द भएको छ । ३६ वर्षमा पहिलो पटक प्रधानमन्त्रीको वार्षिक पत्रकार सम्मेलन रद्द भएको अन्तर्राष्ट्रिय सञ्चार माध्यमहरूले जनाएका छन् । 

विश्वको दोस्रो ठूलो अर्थतन्त्र चीनको आर्थिक नीति बुझ्न प्रधानमन्त्रीको पत्रकार सम्मेलन महत्वपूर्ण मानिएको छ ।

प्रेस ब्रिफिङ रद्द हुनुका साथै वर्तमान परराष्ट्रमन्त्रीको स्थानमा वरिष्ठ चिनियाँ कूटनीतिज्ञ लिउ जियानचाओलाई परराष्ट्रमन्त्री बनाइने अनुमान गरिएको छ ।

लिउ जियानचाओ हाल सत्तारूढ चिनियाँ कम्युनिस्ट पार्टी (सीपीसी) को अन्तर्राष्ट्रिय विभाग प्रमुख हुन् ।

चिनियाँ प्रधानमन्त्रीको पत्रकार सम्मेलन पहिलो पटक सन् १९८८ मा आयोजना गरिएको थियो ।