कात्तिक १८, २०८०
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
धनगढी | फागुन २६, २०८०
सुदूरपश्चिम प्रदेश सरकारमा सहभागी नागरिक उन्मुक्ति पार्टी (नाउपा) भित्र दुई धार देखिएको छ । पार्टीका संरक्षक रेशम चौधरीको निर्देशन बमोजिम नाउपाले थप तीन मन्त्री सरकारमा पठाएको थियो । तर पार्टी अध्यक्ष रञ्जीता श्रेष्ठले सरकार छाड्न निर्देशन दिएकी छिन् ।
योसँगै रेशम र रञ्जीता दुई धारमा देखिएका छन् ।
संसदीय दलका नेतासमेत रहेका घनश्याम चौधरीले आर्थिक मामिला मन्त्री, खुसीराम चौधरी विनाविभागीय र इन्दिरा गिरीले भूमि व्यवस्था राज्यमन्त्रीको जिम्मेवारी पाएसँगै शपथसमेत लिइसकेका छन् ।
सुदूरपश्चिम प्रदेश सभामा उन्मुक्तिका ७ सांसद छन् । ती मध्ये घनश्याम चौधरी, रामेश्वर चौधरी, खुसीराम चौधरी र इन्दिरा गिरी रेशमको साथमा छन् भने पूर्व कृषि राज्यमन्त्री कैलाश चौधरी लगायतका बाँकी तीन सांसद रञ्जीताको पक्षमा छन् ।
प्रदेश सभाको यो अङ्क गणित हेर्ने हो भने रञ्जीता अल्पमतमा छिन् ।
मुख्यमन्त्री शाह नेतृत्वको सरकारमा सहभागी नवनियुक्त मन्त्रीहरूले पार्टी भित्र छलफल भएर आफूहरू सरकारमा गएको प्रतिक्रिया दिएका छन् । ‘पार्टीमा छलफलपछि मात्रै हामी सरकारमा गएका हौं । जिम्मेवारी बाँडफाँट पनि सकिएको छ । अब हामी काम गर्न थाल्छौ, ‘विनाविभागीय मन्त्री खुसीराम चौधरीले भने ।
शपथ लगत्तै नवनियुक्त मन्त्रीहरू संरक्षक रेशम चौधरीलाई भेट्न बर्दिया पुगेका थिए । ‘संरक्षक ज्यूले हामीलाई बोलाउनु भएको थियो । हाम्रो बीचमा छलफल भयो । उहाँले हामीलाई बधाई दिनुभयो', एक मन्त्रीले भने ।
पार्टीको अध्यक्षमा निर्वाचन आयोगले रेशम चौधरीलाई वैधानिकता नदिएपछि अहिले पार्टी अध्यक्ष रञ्जीता श्रेष्ठ छिन् ।
तत्काल सरकारमा सहभागी हुने/नहुने भन्ने विषयमा केन्द्रमा छलफल चलिरहेकै बेला प्रदेशमा मन्त्रीले शपथ ग्रहण गरेपछि पार्टी अध्यक्ष रञ्जीता श्रेष्ठले कारबाही गर्ने चेतावनी दिएकी छिन् । ‘पार्टीमा छलफल विनै सरकारमा सहभागी हुनेहरूलाई कारबाही गर्छाैं । छलफल र निर्देशनविना उहाँहरू सरकारमा सहभागी हुनुभएको हो । यस विषयमा मलाईं कुनै जानकारी छैन', श्रेष्ठले भनिन् ।
श्रेष्ठले सरकारमा सहभागी मन्त्रीहरूलाई फिर्ता हुन निर्देशनसमेत दिइसकेकी छिन् ।
नागरिक उन्मुक्ति पार्टीबाटै भूमि व्यवस्था कृषि तथा सहकारी राज्यमन्त्री रहेका कैलाश चौधरीलाई हटाएर उनको ठाउँमा उन्मुक्तिकै इन्दिरा गिरीलाई जिम्मेवारी दिइएको छ ।
पूर्व राज्यमन्त्री चौधरीले आफूसँगै छलफल विनै जिम्मेवारी हेरफेर गुनासो गरेका छन् ।
‘मलाई जानकारी नै थिएन । सरकारमा सहभागी हुने कि नहुने भन्ने विषयमा मात्रै छलफल भएको हो । त्यसमा पनि कुन गठबन्धनबाट सहभागी हुने भन्ने टुङ्गो लागेको थिएन । केन्द्रमा एक थरी गठबन्धन र प्रदेशमा अर्को थरी गठबन्धन हुँदा समस्या हुन्छ । केन्द्रीय अध्यक्ष श्रेष्ठले पनि आपत्ति जनाउनु भएको छ', पूर्व कृषि राज्यमन्त्री चौधरीले भने ।
केन्द्रमा एमाले–माओवादीकै सरकारलाई समर्थन रहने भन्दै प्रदेशमा पनि त्योभन्दा फरक गठबन्धनमा सहभागी हुन नसकिने पार्टी अध्यक्ष श्रेष्ठको जिकिर छ ।
तर रेशम चौधरी भने धनगढीमै बसेर सरकार गठनको गृहकार्य गरेका थिए । रञ्जीता केन्द्रीय समीकरणअनुसार नै अगाडि बढ्न चाहन्छिन् । उनी एमाले माओवादी गठबन्धनको पक्षमा छिन् भने रेशम नेपाली कांग्रेससँग छलफलमा छन् ।
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
दशैं वरिपरि मुलुकमा केही राजनीतिक परिदृश्यहरू देखिए । दशैंको रौनकसँगै पूर्वमा कोशीको छालले केही तरंग ल्यायो । कोशी प्रदेशमा कांग्रेसभित्रको ‘अर्ध विद्रोह’ले पाँच दलीय गठबन्धनमात्रै धर्मराएन, कांग्र...
मेडिकल व्यवसायी दुर्गा प्रसाईं र नेकपा (एमाले)का नेता महेश बस्नेतले काठमाडौं उपत्यकामा बिहीवार छुट्टाछुट्टै प्रदर्शन गर्ने भएपछि सुरक्षा निकायहरू यतिबेला ‘हाई अलर्ट’मा छन् । नेपाल प्रहरीले प्...
जसपाबाट उपराष्ट्रपतिमा रामसहाय यादवको उम्मेदवारी कायम भएको छ। सत्ता गठबनधनको तर्फबाट उपराष्ट्रपतिको उम्मेदवार बनाइएका जसपा नेता रामसहाय प्रसाद यादवको उम्मेदवारी निर्वाचन आयोगले कायमै राख्ने ...
नेपाली कांग्रेसका केन्द्रीय सदस्य डा. चन्द्र भण्डारीले समस्त कांग्रेसजन र नेपाली जनताले डा. शेखर कोइरालालाई एक पटक कांग्रेस सभापति भएको हेर्न चाहेको बताएका छन् । कोइराला वर्तमान र भविष्य हेर्न सक्ने नेता भएको उ...
‘यो कस्तो तरिका हो के रोडमा हिँड्न पनि नपाउने ? म बौद्ध जाने बस कुरेर बसेकी हुँ के । तपाईंहरू किन ममाथि आवश्यकताभन्दा बढी निगरानी गरिरहनु भएको छ,’ मेडिकल व्यवसायी दुर्गा प्रसाईंका कार्यकर्ता...
सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...