राष्ट्रियसभाकाे बैठक आज बस्दै छ । बैठक दिउँसो १ बजेर ९ मिनेट जाँदा बस्ने संसद् सचिवालयले जनाएको छ ।

राष्ट्रियसभा अध्यक्ष पदको निर्वाचनका लागि दिन तोक्ने बैठकको कार्यसूची रहेको छ ।

यसअघि आजको बैठकमा अध्यक्ष तथा उपाध्यक्षको अनुपस्थितिमा बैठकको अध्यक्षता गर्ने सदस्यहरूको नाम मनोनयन गरिने छ । 

त्यस्तै विषयगत समितिमा रहने सदस्यहरूको नाम हेरफेर तथा मनोनयनका लागि प्रस्ताव गर्ने कार्यसूचीसमेत रहेको छ ।

यसैगरी आगामी आर्थिक वर्ष २०८१–०८२ का लागि विनियोजन विधेयकका सिद्धान्त र प्राथमिकतामाथि पनि सभामा छलफल हुने बताइएको छ ।