नेकपा (एमाले)का नेता गोकुल बाँस्कोटाले प्रधानमन्त्री पुष्पकमल दाहाल प्रचण्डले ‘रियलाइज’ गरेका कारण नयाँ गठबन्धन सम्भव रहेको बताएका छन् । प्रधानमन्त्रीले राम्रो काम गरुन्जेल गठबन्धन चल्ने उनले टिप्पणी गरे । 

बुधवार प्रतिनिधिसभामा प्रधानमन्त्री प्रचण्डले विश्वासको मत पाएपछि संसद् भवन परिसरमा पत्रकारसँग कुरा गर्दै बाँस्कोटाले राम्रो काम गर्दासम्म अहिलेको गठबन्धन चल्ने बताएका हुन् । 

प्रचण्डबाट विगतमा धोका पाएको र अहिले पनि उनको प्रवृत्ति स्थिर छैन नि भन्ने पत्रकारको प्रश्नमा बाँस्कोटाले जवाफ फर्काए–‘मायामा घात भयो भने डिभोर्स हुन्छ !’