प्रधानमन्त्री पुष्पकमल दाहाल प्रचण्ड र कांग्रेस सभापति शेरबहादुर देउवाबीच भेटवार्ता भएको छ । बिहीबार बिहान प्रधानमन्त्री निवास बालुवाटारमा प्रचण्ड र देउवाबीच भेटवार्ता भएको हो । 

भेटमा संसद्‌को गतिरोध अन्त्य, शान्ति प्रक्रियाका काम टुंग्याउनेलगायत विषयमा छलफल भएको प्रधानमन्त्रीका प्रेस सल्लाहकार गोविन्द आचार्यले लोकान्तरलाई जानकारी दिए ।

२१ फागुनमा सत्ता समीकरण बदलिएपछि पहिलोपटक प्रचण्ड र देउवाबीच भेटवार्ता भएको हो ।

गत फागुन २१ मा कांग्रेसँगको गठबन्धन तोडेर एमालेसहितको नयाँ गठबन्धन बनेको थियो । त्यसयता प्रचण्ड-देउवाबीच भेटघाट भएको थिएन ।