लुम्बिनी प्रदेश सरकारका कृषि तथा भूमि व्यवस्थामन्त्री भण्डारीलाल अहिरले पदबाट राजीनामा दिएका छन् । 

जनता समाजवादी पार्टी (जसपा)का प्रदेशसभा सदस्य हुन् । जसपाको केन्द्रीय कार्यकारिणी समितिको बैठकले नेपाली कांग्रेस नेतृत्वको सरकारलाई विश्वासको मत नदिने निर्णय गरेपछि उनले बिहीवार मुख्यमन्त्री डिल्लीबहादुर चौधरीलाई सम्बोधन गर्दै राजीनामा दिएका हुन् । 

यता मुख्यमन्त्री चौधरी पनि राजीनामा दिने सोचमा छन् । जसपाका ३ प्रदेशसभा सदस्यले नयाँ गठबन्धनबाट मुख्यमन्त्री बन्न लागेका नेकपा (माओवादी केन्द्र)का संसदीय दलका नेता जोखबहादुर महरालाई मुख्यमन्त्रीमा समर्थन गर्दै हस्ताक्षर गरिसकेका छन् ।