सरकारले रामराजाप्रसाद सिंह स्वास्थ्य विज्ञान प्रतिष्ठान, पूर्वाधार तयारी विकास समितिको अध्यक्षमा सप्तरी निवासी प्राडा पशुपति चौधरीलाई नियुक्त गर्ने निर्णय गरेको छ ।

बिहीवार सिंहदरबारमा बसेको मन्त्रिपरिषद्को बैठकले अध्यक्षमा चौधरीलाई र सदस्यमा सिरहा निवासी डा वीरेन्द्रप्रसाद यादवलाई नियुक्त गर्ने निर्णय गरेको हो ।

यस्तै धरानस्थित बीपी कोइराला स्वास्थ्य विज्ञान प्रतिष्ठानको सदस्यमा झापा निवासी डा ज्ञानेन्द्रमानसिंह कार्कीलाई मनोनीत गर्ने निर्णयसमेत भएको सरकारकी प्रवक्तासमेत रहेकी सञ्चार तथा सूचना प्रविधिमन्त्री रेखा शर्माले बैठकपछि सञ्चारकर्मीलाई जानकारी दिइन् । 

यसैगरी अर्थ मन्त्रालयको प्रस्तावमा श्रम अदालतको मुकाम समग्र काठमाडौं उपत्यकालाई तोकिएको पनि उनले बताइन् । यसअघि यसको मुकाम भक्तपुर जिल्लालाई तोकिएको थियो । 

गृहमन्त्रीमाथि छानबिन समिति बनाउनु पर्ने यथेष्ट तथ्य र प्रमाण भेटिएको छैनः सरकारकी प्रवक्ता