सुदूरपश्चिम प्रदेशका मुख्यमन्त्री कमलबहादुर शाहले राजीनामा दिएका छन् । प्रदेश सभामा विश्वासको मत पाउने अवस्था सिर्जना नभएपछि उनले बिहीवार साँझ प्रदेश प्रमुखसामु राजीनामा दिएका हुन् ।

केन्द्रमा नयाँ गठबन्धन बनेपछि शाह नेतृत्वको सरकार अल्पमतमा परेको थियो । पछि उनले नागरिक उन्मुक्ति पार्टी (नाउपा)लाई मन्त्रालय बाँडेर सरकार टिकाउने प्रयत्न गरेका थिए । 

तर आन्तरिक विवादले नाउपाले शाहलाई विश्वासको मत नदिने निर्णय गरेको थियो । राष्ट्रिय प्रजातन्त्र पार्टी (राप्रपा)ले असहयोग गर्ने भएपछि उनले संसद्मा विश्वासको मत सामना नगरी राजीनामा दिएका हुन् । 

अब सुदूपश्चिममा नयाँ सरकार गठनका लागि बाटो खुला भएको छ ।   
 

सुदूरपश्चिमका मुख्यमन्त्रीले विश्वासको मत लिँदै, नागरिक उन्मुक्ति पार्टीको दुईवटा ह्विप