काठमाडौँ । फागुन १५ गते हुने उपनिर्वाचनका लागि इलाम–२ मा नेकपा एमाले र माओवादी केन्द्रबीच सहमति भएको छ । जसअनुसार एमालेका उम्मेदवार सुहाङ नेम्वाङलाई माओवादी केन्द्रले समर्थन गर्नेछ । 

माओवादी केन्द्र इलामका अध्यक्ष विजय खम्बु र एमाले इलामका अध्यक्ष महेश बस्नेतले संयुक्त अपिल जारी गर्दै सुहाङलाई साझा उम्मेदवार तय गरिएको उल्लेख गरेका छन् । 

एमाले अध्यक्ष केपी ओली र प्रधानमन्त्री एवम् माओवादी केन्द्रका अध्यक्ष प्रचण्डबीच तालमेल गर्ने उच्चस्तरीय सहमिति भएकाले सुहाङलाई साझा उम्मेदवारका रुपमा विजयी गराउन सम्पूर्ण मतदातालाई आह्वान गरिएको छ । यसअघि दुबै पार्टीले उम्मेदवार खडा गरेको भएपनि अन्तिम समयमा आएर केन्द्रीय स्तरयमै यस्तो सहमति भएको हो ।