कात्तिक १८, २०८०
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
काठमाडाैं | चैत २४, २०८०
नेकपा एमालेका सांसद सुवासचन्द्र नेम्वाङको निधनपछि रिक्त इलाम २ मा आगामी वैशाख १५ गते उपनिर्वाचन हुँदैछ । उपनिर्वाचनको लागि आज बिहान १० बजेदेखि साढे तीन बजेसम्म उम्मेदवारी मनोनयन दर्ता गर्न कार्यक्रम छ । अहिलेसम्म ८ दल र तीन जनाको स्वतन्त्र उम्मेदवारी पर्ने देखिएको छ ।
उपनिर्वाचनका लागि एमालेले सुवास पुत्र सुहाङलाई उम्मेदवार बनाएको छ । पेशाले वकिल रहेका ३२ वर्षीया सुहाङलाई सत्तारूढ दल नेकपा माओवादी केन्द्रको समर्थन छ । नेकपा एकीकृत समाजवादीले भने उम्मेदवारी दिने तयारी गरेको छ । एकपा एसबाट जितबहादुर राईले उम्मेदवारी दिने तयारी गरेका छन् ।
नेपाली कांग्रेसले पनि युवा नेता एवं इलाम जिल्ला सभापति डम्बरबहादुर खड्कालाई उम्मेदवार बनाएको छ । नेविसंघ केन्द्रीयका पूर्वउपाध्यक्ष, जिल्ला अध्यक्ष र पार्टी जिल्ला कोषाध्यक्ष भएका खड्का अघिल्लोपटक नेम्वाङसँग ११४ मतान्तरले पराजित भएका थिए ।
निर्माण व्यवसायीसमेत रहेका कांग्रेस संस्थापननिकट ४८ वर्षीय खड्काले पनि उम्मेदवारी दर्ता गर्दैछन् । गत निर्वाचनमा कांग्रेसका खड्कालाई माओवादी केन्द्रले पनि समर्थन गरेको थियो ।
गत निर्वाचनमा इलाममा नेम्वाङले ३० हजार २० र खड्काले २९ हजार ९०६ मत प्राप्त गरेका थिए । समानुपातिकतर्फ एमालेले २६,५६२ र कांग्रेसले २२,३३३ मत ल्याएका थिए । रास्वपाले ४६८६ मत ल्याएको थियो ।
राष्ट्रिय स्वतन्त्र पार्टीबाट मिलन लिम्बूले उम्मेदवारी दर्ता गर्दैछन् । यसअघि माओवादीनिकट लिम्बूले उपनिर्वाचनमा इलामबाट स्वतन्त्र उम्मेदवारी घोषणा गरेका थिए । तर, रास्वपाले उनैलाई उम्मेदवार बनाएको हो । २०७९ को चुनावमा रास्वपाका प्रकाश सापकोटाले इलाम २ मा १३८० मत प्राप्त गरेका थिए । लिम्बू पूर्वपत्रकार पनि हुन् ।
डगेन्द्र थेगिमले पहिचानवादीहरूको तर्फबाट स्वतन्त्र उम्मेदवारी दिँदै छन् । जनमत पार्टीले पनि पहिचानवादीहरूको उम्मेदवारलाई सहयोग गर्दैछ । थेगिम लामो समय एमालेमा लागेर अहिले पहिचानवादीको पक्षमा उत्रिएका नेता हुन् । जसपा, नेपाल समाजवादी पार्टी र अन्य केही दल र संघ संस्थाले सहयोग गरेका छन् ।
स्वतन्त्रबाट प्रदीप लिम्बू र डाकप्रसाद गौतमले उम्मेदवारी दर्ता गराउने तयारी गरेका छन् । राप्रपाबाट लक्ष्मी गुरुङ र राप्रपा नेपालबाट गणेश चौहान चुनावी मैदानमा उत्रिंदै छन् ।
इलामस्थित मुख्य निर्वाचन अधिकृतको कार्यालयले साढे १० बजेदेखि साढे तीन बजेसम्म दलहरूलाई समय तोकेरै उम्मेदवारी दर्ताको सूची प्रकाशित गरेको छ । आयोगको सूचीअनुसार राष्ट्रिय स्वतन्त्र पार्टीलाई १२ बजे, एमालेलाई साढे १ बजे, नेपाली कांग्रेसलाई साढे २ बजेको समय तोकिएको छ ।
साढे १० बजे स्वतन्त्रका प्रदीप लिम्बू, ११ बजे स्वतन्त्रकै गौतम र साढे ११ बजे नेमकिपाको लागि मनोनयन गर्ने समय छुट्याइएको छ ।
साढे १२ बजे मंगोल नेसनल अर्गनाइजेसन, १ बजे जसपा, ३ बजे राष्ट्रिय प्रजातन्त्र पार्टी र साढे ३ बजे राष्ट्रिय प्रजातन्त्र पार्टी नेपालको लागि उम्मेदवारी मनोनयनको समय छुट्याइएको छ ।
२७ गते नै उम्मेदवारको अन्तिम नामावली प्रकाशन र उम्मेदवारलाई चुनाव चिन्ह प्रदान गर्ने कार्यक्रम रहेको आयोगले जनाएको छ । आगामी वैशाख १५ गते बिहान ७ देखि अपरान्ह ५ बजेसम्म मतदान हुनेछ ।
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...