क्रिप्टो करेन्सीमार्फत कारोबार तथा सट्टेबाजी गराएको आरोपमा ३ जना पक्राउ परेका छन् ।

पक्राउ पर्नेमा सर्लाहीका सञ्जयकुमार साह, रामजी साह र राकेश चौधरी छन् ।

उनीहरूलाई सर्लाहीबाट पक्राउ गरेर काठमाडौं ल्याइएको काठमाडौं उपत्यका अपराध अनुसन्धान कार्यालयका प्रमुख एसएसपी सोमेन्द्रसिंह राठौरले लोकान्तरलाई जानकारी दिए ।​

एसएसपी राठौरका अनुसार सञ्जय क्रिप्टो करेन्सीमार्फत कारोबार गराउने नेपाली एजेन्ट हुन् । उनीहरू तीनै जनाको खाताबाट ३५ करोड रुपैयाँको कारोबार भएको प्रारम्भिक अनुसन्धानबाट खुलेको एसएसपी राठौरले जानकारी दिए ।

पक्राउ परेका तीनै जनालाई म्याद थपका लागि आज अदालत लैजाने तयारी भइरहेको छ ।