इन्डियन प्रिमियर लिग (आइपीएल) मा चेन्नई सुपर किंग्सले मुम्बई इन्डियन्सलाई हराएको छ । गएराति सम्पन्न खेलमा चेन्नईले मुम्बईलाई २० रनले हराएको हो ।

२०७ रनको लक्ष्यको पछ्याएको मुम्बईले रोहित शर्माको नटआउट शतकका बावजुद २० ओभरमा ६ विकेटको क्षतिमा १८६ रन मात्र बनाउन सक्यो । मुम्बईका लागि इशान किसनले २३, टिम डेभिडले १३ बनाए । 

चेन्नईका मतिशा पाथिरानाले ४ ओभरमा २८ रन खर्चेर ४ विकेट लिए । तुसार देशपाण्डे र मुस्ताफिजुर रहमाले समान १ विकेट लिए ।

टस हारेर पहिले ब्याटिङ गरेको चेन्नईले ४ विकेटको क्षेतिमा २०६ रन बनाएको थियो । कप्तान गायकवाड र शिभम दुबेले अर्धशतक बनाए । रितुराजले ४० बलमा समान ५ चौका र छक्कामा ६९ रन बनाए ।

३८ बल खेलेका शिभमले ६६ रन जोडे । महेन्द्रसिंह धोनीले २० रन बनाउँदै टोलीको स्कार बढाए । रचिन रविन्द्रले २१ र र्डेल मिचेलले १७ रन बनाए ।