बझाङ प्रदेश सभा (१) को मतगणना शुरू भएको छ ।

मुख्य निर्वाचन अधिकृत सुदर्शन लामिछानेका अनुसार सर्वदलीय बैठकले आचारसंहितामा तयार गरेपछि आइतवार दिउँसो केहीबेर अगाडिबाट मतगणना शुरू भएको हो ।

शनिवार भएको उपनिर्वाचनमा बझाङ प्रदेश सभामा ४९ दशमलव १२ प्रतिशत अर्थात् ३० हजार तीन सय २८ मत खसेको थियो ।

१ प्रदेश सभा सदस्यका लागि विभिन्न राजनीतिक दलका ११ उम्मेदवार प्रतिस्पर्धामा छन् ।

प्रदेश सभा सदस्य पृथ्वीबहादुर सिंहको सवारी दुर्घटनामा परी मृत्यु भएपछि रिक्त स्थानमा पदपूर्तिका लागि निर्वाचन भएको हो ।