इलाम–२ मा आज (सोमबार) बिहानसम्म १६ हजारभन्दा बढी मत गणना सकिँदा नेकपा (एमाले)का उम्मेदवार सुहाङ नेम्वाङले झण्डै साढे ६ हजार मत पुर्याएका छन् । 

निर्वाचन आयोगको अद्यावधिक विवरणअनुसार कुल १६ हजार १४३ मत गणना सकिँदा नेम्वाङले ६ हजार ४०३ मत पाएका हुन् । 

यस्तै उनलाई पछ्याइरहेका नेपाली कांग्रेसका उम्मेदवार डम्बर खड्काले ४ हजार ७८० मत पाउँदा स्वतन्त्र उम्मेदवार डकेन्द्रसिंह थेगिम ३ हजार १८८ मत पाउँदै तेस्रो स्थानमा छन् । 

राष्ट्रिय स्वतन्त्र पार्टी (रास्वपा)का उम्मेदवार मिलन लिम्बू भने १ हजार मत पाएर चौथो स्थानमा छन् । 

१८६ मत भने बदर भएको आयोगले जनाएको छ । फाकफोकथुम गाउँपालिका र चुलाचुली १, २ र ३ वडामा गणना सकिएको छ ।