इलाम २ को उपनिर्वाचनको मतगणनामा एमालेका उम्मेदवार सुहाङ नेम्वाङले अग्रता फराकिलो बनाउँदै लगेको छन् । आज बिहान १० बजेसम्ममा उनले १० हजार मत कटाएका छन् । उनले १० हजार ३ मत ल्याएका हुन् ।

दोस्रो स्थानमा रहेका कांग्रेसका डम्बर खड्काले ६ हजार ९४४ मत ल्याएका छन् । नेम्वाङ खड्काभन्दा ३ हजार ५९ मतले अगाडि छन् । यसअघि उनी २ हजार २५७ मतले अगाडि थिए । अहिले अग्रता झन् फराकिलो बनाएका हुन् ।

पहिचान पक्षधर स्वतन्त्र उम्मेदवार डकेन्द्रसिंह थेगिम लिम्बूले ५ हजार ५९१ तथा रास्वपाका मिलन लिम्बूले १ हजार ४४३ मत पाएका छन् । १०ः०० बजे हालसम्ममा २४ हजार ७३८ मत गणना भएको छ । हाल माङ्सेबुङ ४,५,६ फाकफोकथुमको ६ वडा, चुलाचुलीको ६ वडा र माङ्सेबुङको ३ वडा गरी १५ वडा मतगणना भइसकेको छ ।