झापामा कक्षा १२ को परीक्षा दिएर फर्केकी एक छात्रा घाइते अवस्थामा फेला परेकी छिन् ।

जिल्ला प्रहरी कार्यालय झापाका प्रवक्ता डीएसपी कृष्ण चन्दका अनुसार हिमालय माध्यमिक विद्यालयमा कक्षा १२ को परीक्षा दिएर फर्किँदै गरेकी एनिका अधिकारी गजमेर घाइते अवस्थामा फेला परेकी हुन् ।

'उनको कपडामा गोली जस्तो देखिने बस्तु फेला परेको छ', प्रवक्ता चन्दले भने ।

उनको लाइफलाइन अस्पताल दमकमा उपचार भइरहेको प्रहरीले जनाएको छ ।

उपचारमा संलग्न चिकित्सकका अनुसार घाइतेको पेटमा डढेको र दबेको चोट जस्तो चोट देखिएको छ ।

थप अनुसन्धान भइरहेको प्रहरीले जनाएको छ ।