सुनसरीबाट एक क्विन्टल गाँजा बरामद

सशस्त्र प्रहरीले सुनसरीबाट १ क्विन्टल गाँजा बरामद गरेको छ । सशस्त्र प्रहरी बल नेपाल नं. ४ गण सुनसरी मातहतको प्रस्तावित सीमा सुरक्षा गुल्म बोर्डर आउट पोस्ट साहेबगंज र हर्बेनीको संयुक्त टोलीले मंगलबार राति एक क्विन्टल गाँजा बरामद गरेको हो । 

सशस्त्र प्रहरीका सहप्रवक्ता डीएसपी शैलेन्द्र थापाका अनुसार सुनसरीको बर्जु गाउँपालिका-४ स्थित हसनपुर भन्ने स्थानमा उखुको सुकेको पत्ताले छोपी लुकाइ छिपाइ बेवारिसे अवस्थामा राखेको ३ बोरा गाँजा बरामद गरेको हो । 

सो ठाउँमा गाँजा लुकाइ छिपाइ तस्करी गर्न राखिएको भन्ने सूचनाको आधारमा खोजतलास गर्दा ३ वटा बोराभित्र पनि स-साना प्याकेट बनाइ राखिएको गाँजा फेला परेको थियो । बरामद गाँजा थप प्रक्रियाका लागि सम्बन्धित निकायमा बुझाइएको उनले बताए ।