दक्षिण कोरियाका ४ जना कार निर्माताले फिर्ता गरे करिब ८ हजार गाडी

सोउल–दक्षिण कोरियाका चार स्थानीय र विदेशी कार निर्माताहरूले उत्पादनमा त्रुटि भएका कारण करिब सात हजार ७०० सवारीसाधन स्वेच्छाले फिर्ता बोलाउने निर्णय गरेको यातायात मन्त्रालयले बुधबार जनाएको छ ।
         
भूमि, पूर्वाधार तथा यातायात मन्त्रालयका अनुसार हुन्डाई मोटरले एभान्टे सेडानसहित पाँचवटा विभिन्न मोडलका चार हजार ११८ एकाइ फिर्ता बोलाउनेछ । यसमा निकास ग्यास रिसर्कुलेशन (ईआरजी) भल्भ पावर युनिटमा त्रुटि देखिएको छ । उक्तm त्रुटिका कारण गाडी चलाउँदा इन्जिन रोकिन सक्छ ।
        
किया कर्पोरेशनले के–३ सेडानसहित तीनवटा मोडेलका दुई हजार ६५८ एकाइ हुन्डाई गाडीहरू जस्तै उत्पादनमा त्रुटिको लागि फिर्ता गर्नेछ ।
        
जगुआर ल्यान्ड रोभर कोरियाले नयाँ रेन्ज रोभर स्पोर्ट पी–३६० जस्ता दुई मोडलका तीन सय २९ एकाइमा रियर लाइट इलुमिनेसन डिभाइसको कमजोर फिक्सेसनको मर्मत गर्नेछ ।
        
भक्सवागन समूह कोरियाले टोवारेग ३ ३।० टिडिआई को छ सय २३ एकाइमा सुधारात्मक कारबाही गर्नेछ । यो मोबाइल अनुप्रयोगहरूमा सफ्टवेयर त्रुटिका कारण रिमोट स्वचालित पार्किङको समयमा खराबी हुन सक्छ ।
        
सवारीसाधन मालिकहरूले मर्मत र सेवा केन्द्रहरूमा गएर दोषपूर्ण पार्टपुर्जाहरू निःशुल्क बदल्न सक्छन् ।