नेकपा (एमाले)का उपाध्यक्ष विष्णु पौडेलले सरकार फेर्न खोज्ने र अस्थिरता सिर्जना गर्ने कुनै पनि षड्यन्त्र सफल हुन नदिने बताएका छन् ।

एमाले रामेछापको नवौँ जिल्ला अधिवेशनको बुधबार उद्घाटन गर्दै उनले आगामी निर्वाचनसम्म यही समीकरण र सहयात्रा कायम रहने प्रष्ट पारे । 

‘सरकार फेर्न खोज्ने र अस्थिरता सिर्जना गर्ने कुनै पनि षड्यन्त्र सफल हुन दिँदैनौं,’ उनले भने, ‘आगामी निर्वाचन सम्म यही समिकरण र सहयात्रा कायम रहन्छ ।’ 

पूर्वउपप्रधानमन्त्रीसमेत रहेको पौडेलले एमालेलाई निर्णायक राष्ट्रिय शक्ति बनाउन आफूहरू मिसन २०८४ केन्द्रित रहेको बताए । 

आगामी निर्वाचनमा एमाले बहुमत ल्याउने पनि उनले आशा व्यक्त गरे । 

साथै पौडेलले आउने निर्वाचनपछि नेपाली कांग्रेस कमजोर प्रतिपक्षको भूमिकामा सीमित हुने बताए ।