बाँके प्रहरीले चलायो गोली, दुईजना लागुऔषध कारोबारी पक्राउ

बाँके प्रहरीले गोली हानेर दुई लागुऔषध कारोबारीलाई नियन्त्रणमा लिएको छ । बाँकेको कोहलपुरस्थित पिपरामा लागुऔषध नियन्त्रण ब्यूरोको टोलीले एक राउण्ड गोली प्रहार गरी लागूऔषध खैरो हेरोइन कारोबारी सुशील परियारलाई नियन्त्रणमा लिइएको ब्यूरोका प्रमुख एसएसपी गोविन्द थपलियाले जानकारी दिए । थपलियाको खुट्टामा गोली लागेको छ । यस्तै अर्का प्रमोद कार्की पनि पक्राउ परेका छन् । 

उनका अनुसार प्रहरी निरीक्षक रुपेश विष्ट र प्रहरी नायब निरीक्षक बालकृष्ण सञ्जेलले बाँके प्रहरीको सहयोगमा अपरेसन चलाएका थिए । प्रहरीले परियारबाट ११० ग्राम खैरो हेरोइन बरामद गरेको छ । 

थपलियाले भने,‘परियार खैरो हेरोइनका सक्रिय कारोबारी रहेको सूचना पाएपछि पक्राउ गर्न हाम्रो टोली पुगेको थियो, परिस्थिति बाहिर जान खोजेपछि प्रहरीले नियन्त्रणमा लिन गोली चलाउन परेको हो । थप अनुसन्धान गर्दैछौं ।’