कात्तिक २७, २०८०
तत्कालीन प्रहरी नायब महानिरीक्षक (डीआईजी) अशोक सिंहले २०७९ फागुन १० गते जिम्मेवारीबाट राजीनामा दिए । प्रहरी महानिरीक्षक (आईजीपी)को लाइनमा रहेका सिंहको जन्ममितिमा कैफियत देखिएपछि राजीनामा दिनुपरेको थियो ।&...
काठमाडाैं | बैशाख २८, २०८१
बाँकेको कोहलपुरस्थित पिपरा रोडमा बिहीबार बिहान प्रहरीले लागूऔषध कारोबारीलाई नियन्त्रणमा लिन गोली प्रहार गर्यो । काठमाडौंस्थित लागूऔषध नियन्त्रण ब्यूरो (एनसीबी)बाट खटिएको प्रहरी टोलीले कारोबारीलाई नियन्त्रणमा लिन गोली नै चलाउनुपर्ने अवस्था कसरी आयो ? एनसीबीका प्रमुख एसएसपी गोविन्द थपलिया भन्छन्, ‘प्रहरीलाई हम्मरले हान्न थालेपछि एक राउण्ड गोली प्रहार गरिएको हो । बायाँ खुट्टामा सामान्य चोट मात्रै लागेको छ ।’
गोली लागि घाइते भएका सुशील परियार रुपेडिया नाकाबाट भारतीय लागूऔषध कारोबारीसँग सेटिङमा खैरो हेरोइन नेपालमा ल्याएर बिक्री गर्ने गरेको सूचना एनसीबीलाई आएको थियो । विगत चार/पाँच दिनदेखि एनसीबीको टोली बाँकेस्थित कोहलपुरमा पुगेर परियारलाई ‘रेकी’ गरिरहेको थियो । एनसीबीबाट प्रहरी निरीक्षक रुपेश विष्ट र सई बालकृष्ण सञ्जेलले बाँके प्रहरीको समन्वयमा परियारको निगरानी बढाएका थिए । ‘भारतीय नागरिक 'भाइजान'सँग मिलेर परियारले लागूऔषध खैरो हेरोइनको कारोबार गरेको देखियो,’ थपलियाले भने, ‘एनसीबीको चाहना भाइजानलाई नै पक्राउ गर्ने थियो तर, प्रहरी देख्नेवित्तिकै परियारले हम्मरले झट्टी हानेर भाग्न खोजे । प्रहरीले गोली चलाएपछि भीड जम्मा भयो । सोधीखोजी गर्न थालेपछि घटनाबारे सबैतिर हल्ला मच्चियो ।’
एनसीबीका अनुसार भे ६ प ६२०६ र भे ५ प ३१३५ मा क्रमश: कोहलपुर चौपरगौडीका परियार र प्रमोद कार्की हुइकिँदै आएपछि रोक्न खोज्दा उनीहरू भागेका थिए । प्रहरीले ‘रोकरोक’ भन्दाभन्दै भाग्न खोजेपछि लखेट्न खोज्दा उल्टै हम्मरले हान्न थालेपछि गोली चलाएको जिकिर एसएसपी थपलियाको छ ।
त्यसो त प्रहरीले यसअघि पनि लागूऔषध कारोबारीलाई नियन्त्रणमा लिन गोली चलाएको थियो । झापा गाउँपालिका–४ खैरबारीका २५ वर्षीय सरिफूल आलमलाई नियन्त्रणमा लिन गत वैशाख १७ गते प्रहरीले गोली प्रहार गरेको थियो । प्रहरीमाथि नै खुकुरी प्रहार गर्न खोजेपछि गोली प्रहार गरेर नियन्त्रणमा लिएको प्रहरी दाबी थियो । तत्कालीन समयमा प्रहरीले सरिफूल आलम घाइते भएका थिए । उनको साथबाट प्रहरीले ११६.६० ग्राम ब्राउनसुगर, दाउ र खुकुरी बरामद गरेको गरेको थियो ।
२०८० कात्तिक १५ मा लागूऔषध कारोबारीलाई नियन्त्रणमा लिन प्रहरीले गोली चलाएको थियो । काठमाडौंको गोठाटारमा ब्राउन सुगर कारोबारीलाई नियन्त्रणमा लिन प्रहरीले चलाएको गोलीले भारतीय नागरिक मोहम्मद करिम घाइते भएका थिए । उनले प्रहरीमाथि नै गोली चलाएपछि प्रहरीले जवाफी फायर गरेको थियो । प्रहरीले तत्कालीन समयमा एक थान पेस्तोल र त्यसमा लाग्ने तीन राउण्ड गोली बरामद गरेको थियो ।
२०७६ जेठ २९ गते पोखराको उत्तम चोकमा लागूऔषध कारोबारीलाई नियन्त्रणमा लिन एनसीबीको प्रहरी टोलीले गोली चलाएको थियो । उत्तम चोकमा रहेको एक क्याफेमा ग १३ प ८२२८ नम्बरको मोटरसाइकलमा पुगेका कारोबारीलाई प्रहरी टोलीले नियन्त्रणमा लिन खोज्दा उनीहरूले प्रतिकार गरेपछि गोली चलाएको थियो । गोली लागेर पोखरा–१० का गोविन्द थापा घाइते भएका थिए । उनी लागूऔषध कारोबारी भएको प्रहरी दाबी थियो ।
माथिका यी घटना हेर्दा कारोबारीबाट बरामद गरेको लागूऔषध परिमाण र गोली लागेर घाइते भएकाहरू ठूला र्याकेट सञ्चालन गर्ने कारोबारीजस्ता देखिँदैनन् । प्रहरीले तर्साउन र नियन्त्रणमा लिनकै लागि पनि गोली चलाउने गरेको टिप्पणी हुँदै आएको छ ।
मानव अधिकार आयोगकी पूर्वसदस्य मोहना अन्सारी प्रहरीको यो कदमलाई गैरजिम्मेवारीपूर्ण भन्छिन् । ‘पछिल्ला दिनमा सामान्य कारोबारी वा दुर्व्यसनकर्तालाई नियन्त्रणमा लिन प्रहरीले गोली चलाउँदै आएको देखिन्छ,’ अन्सारीले भनिन्, ‘अहिले देशमा संकटकाल छ र ? आरोपीलाई पक्राउ गर्न गोली नै चलाउनुपर्ने अवस्थाबारे प्रहरीले गम्भीर भएर समीक्षा गर्नुपर्छ । ऊ जवाफदेही हुनुपर्छ ।’
प्रहरीले आत्मरक्षाका लागि गोली प्रहार गरेको भनेर अभिव्यक्ति दिए पनि त्यसको पुष्टि गर्ने आधार खोज्नुपर्ने बेला आएको अन्सारीको बुझाइ छ । उनले बन्दुक चलाएर अपराधी तर्साउनेभन्दा पनि अपराध नै हुन नदिने दिशातर्फ प्रहरी लाग्नुपर्ने बताइन् ।
तत्कालीन प्रहरी नायब महानिरीक्षक (डीआईजी) अशोक सिंहले २०७९ फागुन १० गते जिम्मेवारीबाट राजीनामा दिए । प्रहरी महानिरीक्षक (आईजीपी)को लाइनमा रहेका सिंहको जन्ममितिमा कैफियत देखिएपछि राजीनामा दिनुपरेको थियो ।&...
काठमाडौं गोदावरीकी लक्ष्मी (नाम परिवर्तन) राहत शिक्षकको कोटामा सिन्धुपाल्चोकस्थित एक सरकारी विद्यालय पढाउन पुगिन् । उनले ‘होम ट्युसन’ पनि पढाउँथिन् । कक्षा १० मा पढिरहेका राजु (नाम परिवर्तन)&nb...
नेपाल प्रहरीको साइबर ब्युरोले सामाजिक सञ्जाल (टिकटक र फेसबूक)को दुरुपयोग गरी चरित्रहत्या गर्ने एक जनालाई बिहीव्ँरु पक्राउ गरेको छ । पक्राउ पर्नेमा सिराहा, लहान नगरपालिका स्थायी घर भइ हाल काठमाडौं बस्ने ३६ व...
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
बाराको कलैया उपमहानरपालिका–६ मदर्सा टोलमा रहेको बाल एकता इंग्लिस बोर्डिङ स्कूलका प्रिन्सिपल गुड्डु भनिने रुपेश स्वर्णकारको हत्याका मुख्य योजनाका सोही विद्यालयकी पूर्वशिक्षिका तथा लेखापाल राधा गुप्ता रहेको ख...
नेपाली सेनाका कर्णेल कामेश्वर यादवको घरमा चोरी भएको छ । ललितपुर महानरपालिका–१८ भैँसेपाटीमा रहेको उनको घरबाट १९ लाख ४२ हजार ६ सय रुपैयाँसहित विभिन्न सामानहरू चोरी भएको जिल्ला प्रहरी परिसरका एसएस...
प्रकृतिको नियम के भने जति माथि पुग्यो उति झुक्नुपर्ने, गएको ठाउँ हेर्नैपर्ने, गएको ठाउँमा फर्कनै पर्ने । ठूलाठूला बोइङ्गहरू आकाशमा उड्छन्, बादलपारीको मुलुकमा पुग्छन्, समुद्रपारीको मुलुकसम्म पुग्छन् तर, पनि उनीहरू त्...
राणा शासनकालको प्रशासनिक व्यवस्थामा 'माथि' भन्नाले प्रधानमन्त्रीलाई बुझाउँदथ्यो । राजाको शासनकालमा दरबार वा राजालाई माथि भनिन्थ्यो । कर्मचारीले इमान्दारिता छाडेमा वा अनैतिक काम गरेमा कुरा माथि पुग्दथ्यो ...
जेठ ६ गते नेपाल–चीनमैत्री मञ्चद्वारा आयोजित एक कार्यक्रममा नेपालका लागि चिनियाँ राजदूत छन सोङले नेपाल एक चीन नीतिमा प्रतिबद्ध रहेको बताउनुका साथै नेपालले कुनै पनि तत्त्वलाई चीनविरुद्धको गतिविधिमा लाग्न ...