जसपाका एक मन्त्री र एक राज्यमन्त्रीले लिए शपथ

जनता समाजवादी पार्टीका दुई मन्त्रीले शपथ लिएका छन् ।

राष्ट्रपति कार्यालय शीतलनिवासमा आयोजित एक कार्यक्रमका बीच एक मन्त्री र एक राज्यमन्त्रीले शपथ लिएका हुन् । 

जसपाबाट स्वास्थ्य मन्त्रालयको जिम्मेवारी पाएका प्रदीप यादवलाई राष्ट्रपति रामचन्द्र पौडेलले शपथ गराएका हुन् ।

त्यस्तै, राज्यमन्त्री हसिना खानलाई प्रधानमन्त्री पुष्पकमल दाहाल प्रचण्डले शपथ गराएका छन् । खानले जनसंख्या राज्यमन्त्रीको जिम्मेवारी पाएकी छिन् ।

जनता समाजवादी पार्टी नेपालबाट २३ वैशाखमा विभाजित भएर अशोक राईको नेतृत्वमा जसपा पार्टी गठन भएको थियो । 

पार्टी विभाजन भएपछि जसपाका नेपालबाट स्वास्थ्यमन्त्री बनेका उपेन्द्र यादवले राजीनामा दिएपछि जसपाबाट मन्त्री थपिएका हुन् ।

प्रतिनिधि सभामा जसपाका ७ र जसपा नेपालका ५ सांसद छन् ।