सिरोहियालाई ३ दिन हिरासतमा राखेर अनुसन्धान गर्न अनुमति

कान्तिपुर मिडिया ग्रुपका अध्यक्ष कैलाश सिरोहियालाई तीन दिन हिरासतमा राखेर अनुसन्धान गर्न धनुषा जिल्ला अदालतले अनुमति दिएको छ ।

नागरिकतासम्बन्धी मुद्दामा मंगलबार काठमाडौंबाट पक्राउ परेका सिरोहियालाई बुधबार जिल्ला न्यायाधीश चुडामन खड्काको इजलासले उक्त अनुमति दिएको धनुषा जिल्ला अदालतका सूचना अधिकारी डम्बरप्रसाद घिमिरेले लोकान्तरलाई जानकारी दिए ।

'मंगलबारदेखि लागू हुने गरी ३ दिनको म्याद थप भएको छ', उनले लोकान्तरसँग भने ।

प्रहरीले सिरोहियालाई १० दिन हिरासतमा लिएर अनुसन्धान गर्ने समय मागेको थियो ।

तर सरकारी वकिलले ५ दिन हिरासतमा लिएर अनुसन्धान गर्ने समय माग गरेको थिए ।​​

सिरोहियाको र अर्का एक व्यक्तिको नागरिकता नम्बर एउटै रहेको उल्लेख गर्दै जाहेरी परेपछि धनुषा प्रहरीले उनीविरूद्ध पक्राउ पुर्जी जारी भएको थियो ।