पूर्वप्राध्यापकहरूको एकैस्वर– सहकारी ठगीमा गृहमन्त्रीको संलग्नतालाई ढाकछोप गर्न सिरोहियाको गिरफ्तारी

पूर्वप्राध्यापकहरूले प्रतिशोधका आधारमा कान्तिपुर मिडिया ग्रुपका अध्यक्ष कैलाश सिरोहियाको गिरफ्तारी गरिएको आरोप लगाएका छन् ।

उनीहरूले बुधवार संयुक्त विज्ञप्ति जारी गर्दै संसदमा सहकारी ठगी प्रकरणमा आरोपित उपप्रधान तथा गृहमन्त्री रवि लामिछानेको संलग्नताबारे भइरहेको कार्यलाई ढाकछोप र विषयान्तर गर्न सिरोहियालाई पक्राउ गरिएको ठहर गरेका हुन् । 

नौजना पूर्वप्राध्यापकहरूले प्रेस स्वतन्त्रतामाथि हमला गरिएको यस घटनाप्रति आफूहरूको गम्भीर आपत्ति रहेकाे पनि जनाएका छन् ।

नेपालको लोकतान्त्रिक आन्दोलनमा बौद्धिक समुदायले खेलेको भूमिकालाई राज्यको चौथो अंग सञ्चार जगतले पुर्याएको सहयोगलाई सम्मान गर्दै प्रेस स्वतन्त्रता, मानव अधिकार, कानूनीराज्य र लोकतन्त्रको उपहास हुनेगरी गरिएको उक्त गिरफ्तारीप्रति घोर भर्त्सना गर्दछौं,’ विज्ञप्तिमा भनिएको छ, ‘हाल संसदमा सहकारी ठगी प्रकरणमा आरोपित गृहमन्त्री रवि लामिछानेको संलग्नताबारे भइरहेको कार्यलाई ढाकछोप तथा विषयान्तर गर्नका लागि प्रेस स्वतन्त्रतामाथि हमला गरिएको यस घटनाप्रति हाम्रो गम्भीर आपत्ति छ ।’

विज्ञप्ति निकाल्नेमा नेपाल प्राध्यापक संघ (नेप्रासं)का पूर्वअध्यक्ष प्रा कपिल श्रेष्ठलगायत छन् ।

हेरौं विज्ञप्तिः