सेक्युरिटी प्रिन्टिङ प्रेस खरिदमा दोषी ठहर भएका इन्जिनियर मृत फेला

सेक्युरिटी प्रिन्टिङ प्रेस खरिदमा दोषी ठहर भएका इन्जिनियर नवीनकुमार पोखरेल मृत फेला परेका छन् ।

उनी भक्तपुरको लोकन्तथलीस्थित आँखा अस्पताल नजिकै घरको रेलिङमा झुन्डिएको अवस्थामा मृत भेटिएका प्रहरीले जनाएको छ ।

प्रहरी वृत्त थिमीका डीएसपी प्रेमसागर केसीका अनुसार प्रहरीले सुसाइट नोटसमेत फेला पारेको छ ।

बिहीबार बिहान मृत भेटिएपछि उनको शव भक्तपुरको केएमसी अस्पतालमा पोस्टमार्टमका लागि लगिएको थियो ।

विशेष अदालतले जेठ ८ गते पोखरेललाई ६ महिना कैद र ५ करोड ८४ लाख ५५ हजार जरिवाना तथा बिगो बराबरको रकम असुल उपर हुने फैसला गरेको थियो ।