सिरोहिया अस्पताल भर्ना

कान्तिपुर मिडिया ग्रुपका अध्यक्ष कैलाश सिरोहिया स्वास्थ्यमा समस्या आएपछि अस्पताल भर्ना भएका छन् ।

चार दिनदेखि प्रहरी हिरासतमा रहेका उनी स्वास्थ्यमा समस्या देखिएपछि शुक्रबार साँझ अस्पताल भर्ना भएका हुन् । 

गत मंगलबार काठमाडौंमा पक्राउ गरी जनकपुर पुर्‍याइएका सिरोहिया दुई दिनदेखि अस्वस्थ थिए ।

शुक्रबार उच्च रक्तचाप, मुटुको चालमा उतारचढाव र टाउको दुखाइ बढेपछि अस्पताल भर्ना भएको कान्तिपुरले जनाएको छ । उनलाई काव्या अस्पतालमा राखिएको छ ।

उनलाई थप तीन दिन हिरासतमा राख्न अदालतले अनुमति दिएको छ ।