एमाले पाल्पाको अध्यक्षमा घर्ती निर्विरोध निर्वाचित

नेकपा (एमाले) पाल्पाको अध्यक्षमा ओमबहादुर घर्ती निर्विरोध निर्वाचित भएका छन् । 

शनिबार सम्पन्न भएको पार्टीको १० औं जिल्ला अधिवेशनले घर्तीको अध्यक्षतामा नयाँ जिल्ला कमिटी चयन गरेको हो । 

घर्ती पार्टीका पूर्वसचिव तथा तिनाऊ गाउँपालिकाका पूर्वअध्यक्ष हुन् । तिनाऊ गाउँपालिका–१, कचल स्थायी घर भइ तानसेन नगरपालिका ४ मा बसोबास गर्ने घर्ती एमाले उपाध्यक्ष विष्णु पौडेलनिकट नेता मानिन्छन् । 

यस्तै उपाध्यक्षमा विमल काफ्ले, सचिवमा भोजराज पोखरेल र  उपसचिवमा दीपक विश्वकर्मा र मीना जीसी कार्की निर्विरोध निर्वाचित भएको एमाले पाल्पाले जनाएको छ । 

जिल्लाका दुई नगरपालिका र आठ गाउँपालिकालाई समेटेर १०५ सदस्यीय जिल्ला कमिटी चयन भएका छन् ।