कांग्रेसको सभा चल्दै गर्दा बिजुली गएपछि विश्वप्रकाश– ‘विद्युत् प्राधिकरणको तरिका के हो ?’

सहकारी ठगीको आरोप लागेका उपप्रधान तथा गृहमन्त्री रवि लामिछानेमाथि छानबिनका लागि दबाब दिन कांग्रेसले आयोजना गरेको सभा चल्दै गर्दा विद्युत् गएपछि केहीबेर मन्तव्य प्रभावित भएको छ ।

आइतबार अपराह्न कांग्रेसले काठमाडौंको भृकुटीमण्डपमा आयोजना गरेको कार्यक्रममा कांग्रेस महामन्त्री विश्वप्रकाश शर्मा बोल्दै गर्दा विद्युत् गएको हो । 

सभा चल्दै गर्दा बिजुली गएपछि ‘विद्युत् प्राधिकरणको तरिका के हो ?’ भन्दै विश्वप्रकाश आक्रोशित बनेका थिए ।

उनले मञ्चबाटै कसैलाई फोन गर्न प्रयास गरे पनि मोबाइल अफ थियो ।

बिजुली गएपछि झण्डै ५ मिनेट अवरुद्ध भएको सभा केहीबेरमा सुचारु भएको थियो ।