विश्वप्रकाशको प्रश्न- महान्यायाधिवक्ताको कार्यालय रास्वपाको भ्रातृ संस्था हो ?

नेपाली कांग्रेसका महामन्त्री विश्वप्रकाश शर्माले दोहोरो मापदण्ड देखाएर महान्यायाधिवक्ताको कार्यालय रास्वपाको भ्रातृ संस्थाजस्तो देखिएको आरोप लगाएका छन् । 

सरकारलाई खबरदारी गर्न काठमाडौंको प्रदर्शनीमार्गमा गरेको विरोध सभामा बोल्दै शर्माले यस्तो बताएका हुन् । 

‘महान्यायाधिवक्ताको कार्यालय सहकारी ठगीमा गृहमन्त्रीमाथि छानबिन गर्नुपर्दैन भन्छ । दुई वटा पासपोर्ट भए पनि छानबिन गर्नुपर्दैन ?', शर्माले भने, ‘तर छानबिनलाई सघाउन तयार छु भन्ने कैलाश सिरोहियालाई पक्राउ गर्छ, उस्तै मुद्दामा रवि सरकारमा छन् तर कैलाश कारागारमा हुनुपर्ने ? कैलाशको मुद्दा जनकपुरमा चल्दै गर्दा गृहमन्त्रीको पासपोर्टमाथि किन छानबिन हुँदैन ?’