लुम्बिनीको नीति कार्यक्रम पारित, असार १ गते बजेट आउने

लुम्बिनी प्रदेश सरकारको आगामी आर्थिक वर्षको नीति तथा कार्यक्रम पारित भएको छ ।

सरकारले सोमबार नीति तथा कार्यक्रम सदनमा पेस प्रस्तुत गरेको थियो ।

सरकारको नीति तथा कार्यक्रममाथि मंगलबार एकै दिनमात्रै छलफल गरेर पारित गरिएको हो ।

छलफलमा सत्ता पक्ष र प्रतिपक्षका गरी २० सदस्य सहभागी भएका थिए ।

नीति तथा कार्यक्रम पारित भएसँगै अब सरकारलाई असार १ गते बजेट ल्याउने बाटो सहज भएको छ ।​

मंगलबारको बैठकमा छलफलमा उठेका विषयहरूमा सरकारको तर्फबाट मुख्यमन्त्री जोखबहादुर महराले जवाफ दिएका थिए ।

नीति तथा कार्यक्रम छोटो दस्तावेज भएकाले सबै विषय समेट्न नसकिएको र छुटेका महत्वपूर्ण विषयलाई बजेटका क्रममा पनि सम्बोधन गर्न सकिने बताए ।

एमालेकै सांसद भोजप्रसाद श्रेष्ठले नीति तथा कार्यक्रमको छलफलको क्रममा प्राप्त सुझावलाई सरकारले सम्बोधन गर्ने बताए ।

प्रदेश सभाको आगामी बैठक असार १ गते बस्ने कार्यक्रम छ ।