सिरिल रामाफोसा दोस्रोपटक दक्षिण अफ्रिकाको राष्ट्रपति निर्वाचित

दक्षिण अफ्रिकाको राष्ट्रपतिमा पुन: सिरिल रामाफोसा निर्वाचित भएका छन् । दक्षिण अफ्रिकी संसद्‌मा सत्तारूढ अफ्रिकी नेसनल कंग्रेस (एएनसी) र विपक्षी दलहरूबीच ऐतिहासिक गठबन्धनपछि फेरि एकपटक सिरिल रामाफोसालाई देशको राष्ट्रपतिमा निर्वाचित भएको बीबीसीले जनाएको छ । 

दक्षिण अफ्रिकाको नयाँ सरकारमा रामाफोसाको एएनसी, सेन्टर-राइट डेमोक्रेटिक एलायन्स (डीए) र साना दलहरू सामेल छन् । चर्को राजनीतिक नाटकबीचमा यो सम्झौता भएको हो । ​

रामाफोसा सन् २०१८ मा पहिलोपटक दक्षिण अफ्रिकाको राष्ट्रपतिमा निर्वाचित भएका थिए ।

विजयपछि रामाफोसाले नयाँ गठबन्धनको प्रशंसा गरेको समाचारमा उल्लेख छ ।