रास्वपालाई जनता केन्द्रित गर्ने लामिछानेको प्रतिबद्धता

राष्ट्रिय स्वतन्त्र पार्टी(रास्वपा)का सभापति रवि लामिछानेले पार्टीलाई जनता केन्द्रित गर्ने प्रतिबद्धता व्यक्त गरेका छन् । 
    
पार्टी स्थापनाका अवसरमा आज काठमाडौंमा आयोजित शुभकामना आदानप्रदान कार्यक्रममा उनले  पार्टीलाई जनता केन्द्रित तुल्याउन सबैलाई एक ढिक्का भएर अघि बढ्न आह्वान गरेका हुन् ।  

सङ्गठन सुदृढीकरणलाई केन्द्रमा राखेर काम गर्न सबै तहका नेता तथा कार्यकर्तालाई उनले अनुरोध गरे।  
     
उपभापति डा. स्वर्णीम वाग्लेले पार्टीको जलेश्वर बैठकबाट यसको नीतिगत प्रस्थानविन्दु बनेको बताए ।  पार्टीका महामन्त्री मुकुल ढकालले सङ्गठन विस्तारमा जोड दिए ।