इनार सफा गर्ने क्रममा बेहोस्, दुई जनाको मृत्यु

 सुर्खेतमा इनार सफा गर्ने क्रममा दुई जना कामदारको मृत्यु भएको छ ।

 जिल्ला प्रहरी कार्यालय सुर्खेतका अनुसार वीरेन्द्रनगर नगरपालिका–११ पिपिरा बस्ने ३२ वर्षीय विद्यु प्रसाद रेग्मी र सोही ठाँउका ३१ वर्षका लक्ष्मी प्रसाद कंडेलको मृत्यु भएको हो ।

वीरेन्द्रनगर नगरपालिका – ११ का तोर्ण विकको घरको इनार सफा गर्ने क्रममा बेहोस भएका उनीहरुको उपचारका क्रममा मृत्यु भएको प्रहरीको भनाइ छ ।