उपाधि दाबेदार फ्रान्सको विजयी शुरूआत

उपाधि दाबेदार मध्येको एक फ्रान्सले युरो कप २०२४ मा विजयी शुरू गरेको छ । सोमबार राति सम्पन्न खेलमा फ्रान्सले अस्ट्रियालाई १-० ले हराएको हो । 

अस्ट्रियाका खेलाडीले गरेको आत्मघाती गोलको मद्दतमा फ्रान्स विजयी भएको हो । म्याक्सिमिलेन वेबरले ३८औं मिनेटमा आत्मघाती गोल गरेका थिए । 

खेलमा कप्तान केलियन एमबाप्पे भने घाइते भएका थिए । नाकमा चोट लागेपछि एमबाप्पेलाई‌ अस्पताल लगिएको थियो । विपक्षी खेलाडीसँग ढोक्किएपछि खेलको ९० औं मिनेटमा उनको नाकमा चोट लागेको थियो ।