उत्तरी इरानको अस्पतालमा आगलागी, ९ जनाको मृत्यु

इरानको उत्तरी शहर राश्तको अस्पतालमा मङ्गलबार आगलागी हुँदा कम्तीमा नौ जनाको मृत्यु भएको छ। ​​

घेम अस्पतालमा सोमबार १ः३० बजे भएको आगलागी नियन्त्रणमा लिनुका साथै अनुसन्धानकर्ताहरूले घटनाको अनुसन्धान गरिरहेको राज्य प्रसारणकर्ता आईआरआईबीले बताएको छ ।

'दुर्भाग्यवश, यो आगलागीमा नौ जनाको ज्यान गएको छ । ज्यान गुमाउनेहरू अधिकांशलाई सघन उपचार कक्षमा भर्ना गरिएको थियो,' राश्तको गिलान युनिभर्सिटी अफ मेडिकल साइन्सेजका अध्यक्ष मोहम्मद तागी असोबीले भने ।

रिपोर्टका अनुसार अस्पतालमा भएका २५० बटा शय्यामा १४२ शय्या आगलागीमा घाइते हुनेहरूले भरिएको थियो ।

नोभेम्बर २०२३ मा गिलान प्रान्तको लङ्गारुड शहरको लागुऔषध पुनर्वसन केन्द्रमा ठूलो आगलागी हुँदा ३२ जनाको मृत्यु भएको थियो। 

जुन २०२० मा  उत्तरी तेहरानको एउटा क्लिनिकमा ग्यास पड्केर भएको शक्तिशाली विस्फोटमा १९ जनाको मृत्यु भएको थियो।