पहिलोपटक युरो कपमा सहभागी जर्जिया टर्कीसँग पराजित

पहिलोपटक युरो कपमा सहभागी जर्जिया आफ्नो पहिलो खेलमा टर्कीसँग पराजित भएको छ । गएराति सम्पन्न खेलमा टर्कीले जर्जियालाई ३-१ ले पराजित गरेको हो।

२५औं मिनेटमा मर्ट मल्डरको उत्कृष्ट प्रहारमा टर्कीले खेलमा अग्रता लिएको थियो । लगत्तै जर्जियाले बराबरी गर्‍यो । ​३२औं मिनेटमा जर्जेस मिकाउताड्जेले जर्जियाका लागि बराबरी गरेका थिए । टर्कीले पुनः अग्रता लिन भने दोस्रो हाफ कुर्नु पर्‍यो । 

६५औं मिनेटमा टर्कीले अग्रता लियो । आर्दा गुलेरले टर्कीलाई पुनः अग्रता दिलाएका थिए । 

टर्कीले इन्ज्युरी समयको अन्तिमतिर गोल गर्दै जित सुनिश्चित गर्‍यो । केरेम आक्तुरकोग्लुले टर्कीका लागि तेस्रो गोल गरे ।