दूध बेचेको पैसाका लागि किसानले आन्दोलन गर्दा राज्यले मर्यादित व्यवहार गरेन : महेश बर्तौला

​​नेकपा एमालेका प्रमुख सचेतक महेश बर्तौलाले किसानलाई दूधको भुक्तानी छिटो दिलाउन सरकारसँग माग गरेका छन् ।

बुधबार प्रतिनिधि सभाको बैठकमा ६ लाखभन्दा बढी किसानले दूधको भुक्तानी पाउ भनेर आजदेखि काठमाडौंमा आन्दोलन शुरू गर्ने अवस्था बनेको भन्दै उनले सरकारलाई जिम्मेवार बन्न आग्रह गरेका हुन् । 

‘आफूले सरकारी र निजी डेरीलाई बेचेको दूधको भुक्तानी ७/८ महिनादेखि नपाएपछि किसानहरू आजदेखि दुग्ध विकास संस्थापन लैनचौरमा आन्दोलन र धर्नामा बसे । तर ४५ बढी किसानलाई गिरफ्तार गरियो । किसानमाथि मर्यादित व्यवहार भएन,’ बर्तौलाले भने, ‘किसानले आफ्नो पैसा नपाउँदा छोराछोरी र बच्चा बच्चीको पढाइ गर्न सक्ने अवस्था छैन । यसैले सरकार कृषि, अर्थ र प्रधानमन्त्रीको ध्यानाकर्षण गराउँछु । राज्यले वातावरण बनाएर किसानले पाउनुपर्ने भुक्तानी छिटो दिलाउन पहल गर्नुपर्छ ।’