पुस १०, २०८०
मोहन वैद्यले नेतृत्व गरेको नेकपा (माओवादी क्रान्तिकारी)ले गरेको लालमार्च तथा सभामा कुर्सी हानाहान भएको छ । क्रान्तिकारीले १३१ औं माओ दिवसका अवसरमा काठमाडौंको शान्ति वाटिकामा गरेको मार्चपासमा कुर्सी हानाहान...
काठमाडाैं | असार ५, २०८१
नेपाली कांग्रेसका सांसद श्याम घिमिरेले भौतिक पूर्वाधार तथा यातायात मन्त्री रघुवीर महासेठले १५ सयमध्ये ३ सय योजना आफू र आफ्नी श्रीमती जुलीकुमारी महतोको क्षेत्रमा पारेको दाबी गरेका छन् ।
बजेटमाथिको छलफलमा बुधबार प्रतिनिधि सभाको बैठकमा भाग लिँदै घिमिरेले यस्तो दाबी गरेका हुन् ।
‘भौतिक पूर्वाधार मन्त्री उहाँ इन्जिनियर हुनुहुन्छ मैले थाहा पाए अनुसार बडो सम्पन्न र समृद्ध मान्छे हुनुहुन्छ । बडो योग्य पनि हुनुहुन्छ । योग्य भएर नेकपा एमालेले उहाँलाई नेतृत्व गरेर सरकारमा उपप्रधानमन्त्री बनाएर पठाएको होला । तर मैले यत्ति ठूलो निर्लज्ज मान्छे संसारमै देखेको छैन,’ घिमिरेले भने, ‘१५ सय योजना पर्दा, तीन सय योजना उहाँको श्रीमान् र श्रीमतीको क्षेत्रमा मात्रै छ । गनेर हेर्नुहोस् ।’
यसरी मनोमानी गर्दा सरम र धर्मको समेत ख्याल नगरेको उनले बताए ।
‘लाज हुन्छ । सरम हुन्छ, धर्म हुन्छ । म राष्ट्रको मन्त्री हुँ भन्ने गर्व हुन्छ मान्छेलाई । तर कतै पनि केही नभएको शून्यतामा बाँचेको मान्छेलाई उपप्रधानमन्त्री र सरकारको नेतृत्व गर्न पठाउने नेकपा एमालेलाई पनि मेरो हार्दिक बधाई छ,’ घिमिरेले भने, ‘उहाँ नेता केपी ओली प्रधानमन्त्री हुँदा निर्वाचन क्षेत्र रणनीतिक सडकको योजना पनि कम्प्लिट हुने गरी पैसा हाल्छु भनेको जम्मा ३ करोड ६० लाख रुपैयाँ हालेको रहेछ ।’
सहरी विकास मन्त्रालयले आफ्नो क्षेत्रमा एक सुक्का पनि बजेट नदिएको भन्दै उनले आपत्ति जनाए । ‘शहरी विकास मन्त्रालयले यत्रो ठूलो किताब छापेको । पढ्न तीन चार दिन लाग्छ । धेरै बजेट विनियोजन पनि गरेको छ,’ घिमिरेले भने, ‘९२ अर्ब रुपैयाँको बजेटमा मेरो क्षेत्रमा ९२ रुपैयाँ पनि छैन । एक रुपैयाँ, एक सुक्का पनि दिइएको छैन ।’
आफ्नो सिन्धुलीको क्षेत्रमा नियमित जाने ५ करोडबाहेक अरु कुनै बजेट नपरेको भन्दै उनले दुखेसो पोखे ।
अर्कोतिर अर्थमन्त्रीले २२१ अर्ब रुपैयाँ अर्थमन्त्रालयमै राखेको दाबी पनि उनले गरे ।
‘२२१ अर्ब रुपैयाँ अर्थमन्त्रीले राख्नुभएको छ । यत्ति पैसा किन राखेको हो ?,’ घिमिरेले भने, ‘यस अघि अर्थ मन्त्रालयमा ४०/४५ अर्ब राख्ने अभ्यास थियो । कसलाई बाँड्न राखिएको हो ? के गर्न हो ?’
मोहन वैद्यले नेतृत्व गरेको नेकपा (माओवादी क्रान्तिकारी)ले गरेको लालमार्च तथा सभामा कुर्सी हानाहान भएको छ । क्रान्तिकारीले १३१ औं माओ दिवसका अवसरमा काठमाडौंको शान्ति वाटिकामा गरेको मार्चपासमा कुर्सी हानाहान...
जसपाबाट उपराष्ट्रपतिमा रामसहाय यादवको उम्मेदवारी कायम भएको छ। सत्ता गठबनधनको तर्फबाट उपराष्ट्रपतिको उम्मेदवार बनाइएका जसपा नेता रामसहाय प्रसाद यादवको उम्मेदवारी निर्वाचन आयोगले कायमै राख्ने ...
‘यो कस्तो तरिका हो के रोडमा हिँड्न पनि नपाउने ? म बौद्ध जाने बस कुरेर बसेकी हुँ के । तपाईंहरू किन ममाथि आवश्यकताभन्दा बढी निगरानी गरिरहनु भएको छ,’ मेडिकल व्यवसायी दुर्गा प्रसाईंका कार्यकर्ता...
नेपाली कांग्रेसका नेता डा. शेखर कोइरालाले आफ्नो समूहको बैठक बोलाएका छन् । आगामी महासमिति बैठकसहितका विषयमा छलफल गर्न कोइरालाले आगामी मंगलवार समूहको बैठक बोलाएका नेता डा. गोविन्दर...
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
नेपाली कांग्रेसका केन्द्रीय सदस्य तथा सांसद डा. चन्द्र भण्डारीले पार्टी सभापति शेरबहादुर देउवाले अब नेतृत्व छाड्नुपर्ने बताएका छन् । पार्टीको लुम्बिनी प्रदेश सम्मेलनमा शनिवार बोल्दै भण्डारीले देउवाले अब...
समाजवादको आधारभूत स्तम्भका रूपमा रहेको सहकारी अभियान यतिखेर संकटमा छ । जो कोहीले ‘सहकारी’ शब्द नै उच्चारण गर्न नसक्ने अवस्था बनेको छ । सहज वातावरण हुँदा सर्वसाधारण सहकारीबाट अैँचोपैँचो, सर...
समाजमा बसेपछि सबैसँग सद्भाव, मित्रता, सहनशीलता, क्षमायाचना, त्याग, शालीनता, भद्रता आदि कुराको आवश्यकता पर्दछ । हरेक मानिस र उसको पारिवारिक अवस्था फरक–फरक हुन्छ। सानातिना कुरामा विवाद गर्ने, निहुँ खोज्ने...
'नेपाल अर्थात् यो हाम्रो देश बनेन, अहँ अब बन्दैन' भन्नेहरू देशभित्र मात्र होइन, विदेशमा पनि पाइला–पाइलामा भेटिन्छन् । यसो भन्नेहरूमा देश र यहाँका जनताप्रति चिन्ता र चासो स्वाभाविक रूपमा भेटिन्छ । ...