मुख्यमन्त्रीको शपथ ग्रहण राति पौने दुई बजे

काठमाडौं– भारतको गोवाका मुख्यमन्त्री मनोहर पर्रिकरको निधनपछि विधानसभाका सभामुख प्रमोद सावंतले मंगलबार राति पौने २ बजे राजभवनमा मुख्यमन्त्रीको शपथ लिएका छन् । सावंतसँगै ११ जनाले शपथ लिएका छन् । महाराष्ट्रवादी गोमांतक पार्टीका विधायक सुधिन धवलिकर, गोवा फर्वार्ड पार्टीका अध्यक्ष एवं विधायक विजय सरदेसाईले पनि शपथ लिए । 

बीबीसी हिन्दीका अनुसार उनीहरुलाई उपमुख्यमन्त्रीको जिम्मेवारी दिने तयारी भएको छ । सोमबार मनोहर पर्रिकरको अन्तिम संस्कार गरिएको थियो । शपथ ग्रहण गर्नुअघि पत्रकारसँग प्रमोदले पार्टीले दिएको जिम्मेवारी पूरा गर्ने बताए ।


Advertisement

कमेन्ट गर्नुहोस्