बैतडीको सिगास गाउँपालिकाका ९ वटै वडा सचिवविहीन छन् ।

वडामा सचिव नहुँदा सेवाग्राहीलाई सास्ती भएको छ ।

सचिवविहीन रहेका वडामा प्राविधिक सहायकलाई सचिवको जिम्मेवारी दिएर काम सञ्चालन भइरहेको प्रमुख प्रशासकीय अधिकृत रघुनाथ अवस्थीले जानकारी दिए ।

साविकको ६ गाविसका ६ वटा प्राविधिक सहायकलाई ९ वटा वडा हेर्ने गरेर जिम्मेवारी दिइएको छ । ३ जनाले २ वडा र अन्य ३ जनाले १–१ वडामा काम चलाइरहेको प्रमुख प्रशासकीय अधिकृत अवस्थीको भनाइ थियो । कर्मचारी समायोजन भएपछि वडा कार्यालय कर्मचारीविहीन भएका हुन् ।

वडा कार्यालयमा कर्मचारीको अभावले कार्यसम्पादनमा समस्या हुने गरेको र यसले सेवाग्राहीलाई समस्या भएको गाउँपालिका उपाध्यक्ष द्रोपती चन्दले बताए । गाउँपालिकामा समेत २ जना मात्रै कर्मचारी छन् ।