आकर्षक अफरसहित भृकुटीमण्डपमा यामाहा बाइकको महाएक्सचेञ्ज मेला

नेपालका लागि यामाहा ब्रान्डका मोटरसाइकल तथा स्कूटरको आधिकारिक बिक्रेता एमएडब्लू इन्टरप्राइजेजले मोटरसाइकलका पारखीहरूलाई यामाहा ब्रान्डमा अपग्रेड हुन आह्वान गर्दै ‘यामाहा महा एक्सचेन्ज मेला’ शुरू गरेको छ ।

मेला काठमाडौंको भृकुटीमण्डपमा यही मंसिर १८ गतेदेखि २२ गतेसम्म ५ दिनका लागि सञ्चालन हुनेछ । यामाहा महाएक्सचेन्ज मेलामा ग्राहकले जुनसुकै ब्रान्ड र अवस्थाको पुरानो मोटरसाइकल तथा स्कूटरको प्रचलित बजार मूल्यांकनभन्दा १५ हजार रुपैयाँ बढी मूल्यांकन पाउनेछन् । साथै ग्राहकले ३० भन्दा बढी रिकन्डिसन हाउसबाट आफ्नो साधनको सही मूल्यांकन पाउनेछन् ।


Advertisement

ग्राहकले ७ हजार रुपैयाँ नगद छूट, फ्री एसेसोरिज, अन द स्पट फाइनान्सिङ सेवा, टेस्ट राइडमा आकर्षक उपहार पनि पाउनेछन् ।

महाएक्सचेञ्ज मेलामा ख्यातिप्राप्त कलाकारहरूको आगमनले मेला अझै भव्य हुने एमएडब्लू इन्टरप्राइजेजले जनाएको छ ।


Advertisement

मेलामा प्रियंका कार्की १८ मंसिर बुधवार दिनको ३ बजेदेखि साँझ ५ बजेसम्म सहभागी भइन् भने अनुपविक्रम शाही २१ मंसिर शनिवार दिनको ३ बजेदेखि साँझ ५ बजेसम्म सहभागी हुनेछन् ।

‘यस महाएक्सचेञ्ज मेला हाम्रा उत्कृष्ट अफर र आकर्षणका साथ अझ भव्य हुने कुरामा हामी विश्वस्त छौं । यामाहा बाइकहरू हाम्रा उपभोक्ता माझ सर्वप्रिय ब्राण्ड रहन गएकोमा दुई मत छैन । यस यामाहा महाएक्सचेञ्ज मेला योजनामार्फत देशकै सर्वोकृष्ट बाइकहरू हाम्रा उपभोक्तामाझ पुर्‍याउन हामी प्रतिबद्ध छौं,’ यामाहा मार्केटिङ हेड विक्रम पौडेलले भने ।

कमेन्ट गर्नुहोस्